છેલ્લા 5 વર્ષમાં ગૌતમ અદાણીની ત્રણ કંપનીઓએ રોકાણકારોને માલામાલ કરી દીધા છે. અદાણી ગ્રુપની કંપનીઓ અદાણી ગ્રીન એનર્જી લિમિટેડ, અદાણી એન્ટરપ્રાઇઝ લિમિટેડ અને અદાણી પાવર લિમિટેડએ 2019 થી 2024 દરમિયાન 62 થી 118 ટકા સુધીનું રિટર્ન આપ્યું છે.
આ ત્રણ કંપનીઓમાં અદાણી ગ્રીનના શેરે સૌથી વધુ વળતર આપ્યું છે. અદાણીની આ કંપનીના શેરમાં 49 ગણો વધારો જોવા મળ્યો છે, જે આ વર્ષે MOFSLની સૌથી ઝડપી સંપત્તિ સર્જકોની યાદીમાં ટોચ પર છે. જો તમારી પાસે પણ અદાણી ગ્રુપની કંપનીઓના શેર છે અથવા તમે અદાણી ગ્રુપની કંપનીઓમાં રોકાણ કરવાનું વિચારી રહ્યા છો તો આ સમાચાર તમારા માટે છે.
મોતીલાલ ઓસ્વાલ ફાયનાન્સિયલ સર્વિસિસ લિમિટેડના ટોપ 10 રિટર્નની યાદીમાં, ત્રણ કંપનીઓ અદાણી ગ્રુપની છે, જેમાં ગ્રીન એનર્જી લિમિટેડ, અદાણી એન્ટરપ્રાઇઝ લિમિટેડ અને અદાણી પાવર લિમિટેડ પ્રથમ, બીજા અને આઠમા સ્થાને છે. જિંદાલ સ્ટેનલેસ, ડિક્સન ટેક્નોલોજીસ, લિન્ડે ઈન્ડિયા, પર્સિસ્ટન્ટ સિસ્ટમ્સ અને સીજી પાવર ત્રીજાથી સાતમા સ્થાને છે.
અદાણી ગ્રુપના અદાણી ગ્રીન એનર્જી લિમિટેડ, અદાણી એન્ટરપ્રાઇઝ લિમિટેડ અને અદાણી પાવર લિમિટેડમાં રોકાણ કરનારા રોકાણકારોને 118 ટકા સુધીનું વળતર મળ્યું છે. જેમાં અદાણી ગ્રીનના શેરમાં રોકાણ કરનારાઓને સૌથી વધુ વળતર મળ્યું છે. છેલ્લા 5 વર્ષમાં આ કંપનીએ રોકાણકારોને 118 ટકા વળતર આપ્યું છે. બીજા ક્રમે અદાણી એન્ટરપ્રાઈઝ હતું જેણે છેલ્લા 5 વર્ષમાં 85 ટકા વળતર આપ્યું છે. ત્રીજા સ્થાને અદાણી પાવર હતી, જેણે 11 થી 62 ટકા સુધીનું વળતર આપ્યું છે.
MOFSL મુજબ, જો આપણે સૌથી વધુ વળતર આપતી 10 કંપનીઓના P/E રેશિયો (પ્રાઈસ અર્નિંગ રેશિયો) જોઈએ તો 5 કંપનીઓનો P/E રેશિયો 100 ગણાથી વધુ છે. MOFSL અનુસાર, છેલ્લા ચાર વર્ષમાં આ ત્રીજી વખત છે જ્યારે અદાણી ગ્રૂપનો સ્ટોક સૌથી ઝડપી સંપત્તિ મેળવનારના ચાર્ટમાં ટોચ પર છે. અદાણી ટ્રાન્સમિશન લિમિટેડ 2021 અને 2022 વચ્ચે ટોચ પર રહી.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણ કરતા પહેલા હંમેશા નિષ્ણાતની સલાહ લો. Tv9 ગુજરાતી દ્વારા આપવામાં આવેલુ શેરનું લિસ્ટ ટેકનિકલ Evaluation દ્વારા આપવામાં આવ્યું છે. શેર ખરીદવા કે વેચવા સંબંધિત કોઈ પણ રોકાણ કરવા Tv9 ગુજરાતી પ્રોત્સાહન આપતું નથી.
