BRICS Summit Delhi 2026 Updates : દિલ્હીમાં આયોજિત 18મી બ્રિક્સ સમિટમાં ભાગ લેવા માટે 11 સભ્યોના નેતાઓ ભારત પહોંચ્યા છે. વડા પ્રધાન નરેન્દ્ર મોદીએ બ્રિક્સ બેઠકમાં તમામ દેશોના નેતાઓને સંબોધિત કર્યા હતા. તેમણે આ સમય દરમિયાન સંયુક્ત રાષ્ટ્ર સુરક્ષા પરિષદમાં સુધારો કરવાની પણ વાત કરી હતી. ચીનના રાષ્ટ્રપતિ શી જિનપિંગ શનિવારે બપોરે ભારત પહોંચ્યા હતા.
ત્રણ મુખ્ય પાસાઓ પર ધ્યાન કેન્દ્રિત કરવા વિશે વાત કરી
પીએમ મોદીએ કહ્યું કે આ રોડમેપ તૈયાર કરતી વખતે, આપણે ત્રણ મુખ્ય પાસાઓ પર ધ્યાન કેન્દ્રિત કરવું પડશે – પ્રતિનિધિત્વ, જવાબદારી અને નિયમ બનાવવા. સૌ પ્રથમ પ્રતિનિધિત્વ વિશે એ કહેવા માંગીશ કે યુએન સિકયુરિટી કાઉન્સિલમાં સુધારાને હવે વધુ ટાળી શકાય નહીં. આ બાબત પરની વાતચીત ચોક્કસ સમયમર્યાદા અને સ્પષ્ટ પરિણામો સાથે જોડાયેલી હોવી જોઈએ. તેવી જ રીતે નાણાકીય સંસ્થાઓમાં વોટિંગ પાવર, નેતૃત્વની ભૂમિકાઓ અને નીતિગત પ્રાથમિકતાઓ આજની આર્થિક વાસ્તવિકતાઓને અનુરૂપ હોવી જોઈએ. વૈશ્વિક આર્થિક વિકાસને આગળ ધપાવતા દેશોએ પણ વૈશ્વિક આર્થિક શાસનને આકાર આપવામાં યોગ્ય ભૂમિકા ભજવવી જોઈએ.
બીજી જવાબદારી અંગે પીએમ મોદીએ કહ્યું કે વૈશ્વિક સંસ્થાઓમાં માનવતાનો વિશ્વાસ ત્યારે જ વધશે જ્યારે તે આ અસરકારક સમસ્યાઓનું સમાધાન કરવામાં સક્ષમ હશે. આપણે સામૂહિક પ્રતિસાદ ઝડપ, સ્કેલ અને છેલ્લા સીમાચિહ્ન પર ધ્યાન કેન્દ્રિત કરવું પડશે. સમુદ્રી નાવિકો વૈશ્વિક વેપારમાં મોટો ફાળો આપે છે, પરંતુ ઘણીવાર મુશ્કેલ સમયમાં સમર્થનનો અભાવ હોય છે. મારો પ્રસ્તાવ છે કે સમુદ્રી નાવિકો માટે ઇમરજન્સી સપોર્ટ નેટવર્ક બનાવી શકીએ છીએ. તેના માધ્યમથી સંબંધિત દેશની મેરીટાઇમ ઓથોરિટી અને અભિયાનને જોડવામાં આવશે. આનો ઉપયોગ ડિસ્ટ્રેસ એલર્ટ, મેડિકલ એસિસ્ટેંટ, પરિવારોને માહિતી અને બચાવ કામગીરીમાં સહયોગ આપી શકાય છે.
Sharing my opening remarks throughout the BRICS Session on ‘Inclusive International Governance and Strengthening Multilateralism.’
https://t.co/g31TharSOc— Narendra Modi (@narendramodi) September 12, 2026
પીએમ મોદીએ કહ્યું કે ત્રીજી વાત નિયમ બનાવવાના સંદર્ભમાં કહેવા માંગુ છું કે ભવિષ્યના વૈશ્વિક માર્ગને સેટ કરવામાં સમાન ભાગીદારી સુનિશ્ચિત કરવી ખૂબ જ મહત્વપૂર્ણ છે. એઆઈ, સાયબરસ્પેસ, આઉટર સ્પેસ, બાયો-ટેકનોલોજી અને ક્રિટિકલ ટેકનોલોજી ભવિષ્યની તકોની સાથે તેઓ ભવિષ્યના નિયમો પણ નક્કી કરી રહ્યા છે. આપણે ગ્લોબલ સાઉથને રુલ ટેકરથી રુલ સેપર બનાવવાના પ્રયાસો કરવા પડશે. બ્રિક્સના માધ્યમથી યુવા ડિપ્લોમેટ અને પોલિસી મેકર્સને નિગોશિએશન સ્કિલ, પ્રેક્ટિકલ ટ્રેનિંગ અને કાનૂની કુશળતા પ્રદાન કરી શકે છે.
પીએમ મોદીએ કહ્યું – બ્રિક્સ કરી રહ્યું છે દુનિયાની 40% GDP અને 25% થી વધારે ગ્લોબલ ટ્રેડનું પ્રતિનિધિત્વ
વૈશ્વિક કટોકટીનો સામનો કરવામાં ગ્લોબલ સાઉથ આગળ : પીએમ મોદી
પીએમ મોદીએ કહ્યું કે આજે ગ્લોબલ સાઉથ વૈશ્વિક કટોકટીનો સામનો કરવામાં સૌથી આગળ છે પરંતુ નિર્ણય લેવામાં સૌથી પાછળ છે. આપણે ‘વિશેષાધિકારના પિરામિડ’ને ‘ભાગીદારીના પ્લેટફોર્મ’માં પરિવર્તિત કરવું જોઈએ – એક એવું પ્લેટફોર્મ જ્યાં દરેક રાષ્ટ્રનો અવાજ સાંભળવામાં આવે, દરેક સભ્ય ભાગ લે અને માનવતા દરેક પ્રયાસના કેન્દ્રમાં હોય. આ માટે મારો પ્રસ્તાવ છે કે આપણે સાથે મળીને વૈશ્વિક શાસનમાં સુધારો કરવા માટે 10 દરખાસ્તો તૈયાર કરીએ, જેથી આગામી સમિટ સુધીમાં તેમને બ્રિક્સ સુધારા રોડમેપનો આકાર આપી શકાય.
