jamui molestation case : બિહારના જમુઇ જિલ્લામાં એક યુવક અને એક યુવતી સાથે થયેલી મારપીટ અને છેડતીની ઘટનાને લઇને રાષ્ટ્રીય મહિલા આયોગ (એનસીડબ્લ્યુ) એ સુઓમોટો નોંધ લીધી છે. આયોગના અધ્યક્ષ વિજયા રહાટકરે બિહારના ડીજીપીને પત્ર લખીને નિર્દેશ આપ્યો છે કે આ કેસમાં તાત્કાલિક એફઆઈઆર નોંધવામાં આવે અને વીડિયો ફૂટેજના આધારે તમામ આરોપીઓની ધરપકડ કરવામાં આવે.
મહિલા આયોગે કહ્યું છે કે તમામ આરોપીઓની વહેલી તકે ઓળખ કરવામાં આવે. સાથે જ મહિલા આયોગે પીડિતાના પરિવારની ઓળખ જાહેર ન થાય તે માટે સોશિયલ મીડિયા પર વાયરલ થતા વીડિયો પણ રોકવાની અપીલ કરી છે.
7 દિવસની અંદર રિપોર્ટ માંગ્યો
મહિલા આયોગે બિહાર પોલીસ પાસેથી 7 દિવસની અંદર વિસ્તૃત એક્શન ટેકન રિપોર્ટ (એટીઆર) માંગ્યો છે. પંચે સ્પષ્ટ કર્યું છે કે મહિલાઓના સન્માન, સલામતી અને ગોપનીયતા સાથે સમાધાન કરવું કોઇપણ સ્તરે સ્વીકાર્ય નથી. આયોગે આ મામલે સમયસર અને નિષ્પક્ષ તપાસની માંગ કરી છે.
SDPO જમુઈના નેતૃત્વમાં SIT ની રચના
મહિલા આયોગના આ નિર્દેશ પહેલા જ આ મામલાની તપાસ માટે એક એસઆઈટીની રચના કરવામાં આવી છે. SDPO જમુઇની આગેવાની હેઠળની એસઆઈટીએ કાર્યવાહી શરૂ કરી દીધી છે અને અન્ય આરોપીઓની શોધ કરી રહી છે. આ ઘટના અંગે વિગતવાર માહિતી આપતા જમુઇ જિલ્લાના એસપી વિશ્વજીત દયાલે જણાવ્યું હતું કે યુવતી સાથે છેડતીની ઘટનાને અંજામ આપનારા તમામ આરોપીઓની ઓળખ થઈ ગઈ છે. જો કે અત્યાર સુધીમાં 3 આરોપીઓની ધરપકડ કરવામાં આવી છે, બાકીની શોધખોળ કરવામાં આવી રહી છે.
ધરપકડ કરાયેલા તમામ આરોપીઓ સગીર
તેમણે જણાવ્યું હતું કે ધરપકડ કરાયેલા તમામ આરોપીઓ સગીર છે. ત્રણેયની ઉંમર 14-17 વર્ષની વચ્ચે હોઈ શકે છે. પોલીસે આ ઘટના સંદર્ભે અજાણ્યા શખ્સો વિરુદ્ધ એફઆઈઆર નોંધી છે. પીડિતાના નિવેદનના આધારે જમુઇ એસપીએ જણાવ્યું હતું કે આ ઘટના 19 સપ્ટેમ્બરના રોજ સાંજે 7 વાગ્યાની આસપાસ બની હતી. તેમણે જણાવ્યું કે વાયરલ વીડિયોમાં દેખાતા યુવક અને યુવતી કોઇ ડુંગરાળ વિસ્તારમાં ફોટોશૂટ કરવા આવ્યા હતા અને ત્યારબાદ કેટલાક અસામાજિક તત્વોએ તેમની સાથે આ કૃત્ય કર્યું હતું.
सोशल मीडिया पर वायरल वीडियो मामले में जमुई पुलिस की त्वरित कार्रवाई: S.I.T. गठित, तीन आरोपी गिफ्तार।#jamuiPolice#BiharPolicepic.twitter.com/Z9vTbR5PLR
— JAMUI POLICE (@JamuiPolice) September 21, 2026
જમુઇની ઘટના શું છે?
સોમવારે સોશિયલ મીડિયા પર બિહારનો એક વીડિયો વાયરલ થયો હતો. જેમાં શનિવારે સાંજે કેટલાક સ્થાનિક છોકરાઓ દ્વારા એક સગીર છોકરા અને છોકરીને અટકાવવામાં આવ્યા હતા અને તેમની સાથે મારપીટ અને છેડતી કરી હતી. વીડિયોમાં બંને તેમને છોડી દેવાની વિનંતી કરતા જોવા મળી રહ્યા છે.
બિહાર વિધાનસભા ચૂંટણી માટે પ્રશાંત કિશોરે 5 ઉમેદવાર જાહેર કર્યા, જાણો કઇ બેઠક પર લડશે જન સુરાજ પાર્ટી
વાયરલ વીડિયોમાં જોઈ શકાય છે કે છોકરો સ્કૂટર ચલાવતો જોવા મળી રહ્યો છે અને યુવતી તેની પાછળ બેઠી છે, જ્યારે ઘણા લોકો તેને ઘેરી લે છે. બંને વારંવાર તેમની માફી માંગે છે. છોકરો તેની આસપાસના લોકોને કહે છે કે તેઓ એક જ શાળામાં અભ્યાસ કરે છે અને ઘરના દરેક જણ તેમના વિશે જાણે છે. પછી ગ્રુપનો એક માણસ છોકરાને થપ્પડ મારે છે અને કહે છે જો તેમને ખબર છે તો તેમને ફોન કરો. અન્ય એક વ્યક્તિ કહે છે કે પરિવારને ફોન કરો.
આ જ વીડિયોમાં એક છોકરાએ યુવતીના વાળ ખેંચ્યા હતા અને તેના પ્રાઇવેટ પાર્ટને સ્પર્શ કર્યો હતો. આ શરમજનક કૃત્ય વીડિયોમાં રેકોર્ડ થયું છે. જે છોકરોએ આવું કૃત્યું કર્યું હતું તે તેનો ચહેરો ઢાંકેલો હતો.
