ટી20 વર્લ્ડ કપમાં પાકિસ્તાન સામેની મેચમાં રવિવાર (14 જીન) એ ભારતે 6 વિકેટે 170 રન બનાવ્યા હતા. ઉપ-કેપ્ટન સ્મૃતિ મંધાનાની અડધી સદીની સાથે ઋચા ઘોષે 200 ના સ્ટ્રાઇક રેટથી મહત્વપૂર્ણ ઇનિંગ રમી, જેનાથી ટીમને એક શાનદાર સ્કોર સુધી પહોંચવામાં મદદ મળી. ઋચાએ 17 બોલમાં 34 રન બનાવ્યા, જેમાં પાંચ ચોગ્ગા અને એક સિક્સર ફટકારી હતી. તે ક્રીઝ પર ત્યારે આવી જ્યારે ભારતીય ટીમ ખરાબ સ્થિતિમાં હતી. તેણે 14.2 ઓવરમાં 110 રનમાં ચાર વિકેટ ગુમાવી દીધી હતી.
આ વિસ્ફોટક બેટિંગ પ્રદર્શનથી ઋચા ઘોષે ટી20 વર્લ્ડ કપમાં છઠ્ઠા અથવા તેનાથી નીચેના નંબર પર બેટિંગ કરનાર ભારતીય ખેલાડી દ્વારા સૌથી વધુ સ્કોરનો રેકોર્ડ બનાવ્યો. તેની ઇનિંગે ભારતને ટુર્નામેન્ટના ઇતિહાસમાં તેનો ત્રીજો સૌથી વધુ સ્કોર હાંસલ કરવામાં મદદ કરી. ભારતનો અત્યાર સુધીનો સૌથી વધુ સ્કોર 2018 માં ન્યુઝીલેન્ડ સામે 5 વિકેટે 194 રન રહ્યો છે. તેણે 2024 માં શ્રીલંકા સામે 3 વિકેટે 172 રન પણ બનાવ્યા હતા. આ પાકિસ્તાન સામે ભારતનો સૌથી વધુ ટી20 વર્લ્ડ કપ સ્કોર પણ છે.
મહિલા T20 વર્લ્ડ કપમાં ભારતનો સૌથી વધુ સ્કોર
- ન્યુઝીલેન્ડ સામે 194/5, પ્રોવિડન્સ, 2018
- શ્રીલંકા સામે 172/3, દુબઈ, 2024
- પાકિસ્તાન સામે 170/6, બર્મિંગહામ, 2026
- ઓસ્ટ્રેલિયા સામે 167/8, પ્રોવિડન્સ, 2018
- ઓસ્ટ્રેલિયા સામે 167/8, કેપટાઉન, 2023
સ્મૃતિ મંધાનાની 68 રનની ઇનિંગ
બે ડ્રોપ કેચનો ફાયદો ઉઠાવતા સ્મૃતિ મંધાનાએ 44 બોલમાં 68 રન બનાવ્યા, જેમાં નવ ચોગ્ગા અને બે સિકસર ફટકારી હતી. તેના સિવાય કેપ્ટન હરમનપ્રીત કૌરે 35 બોલમાં 36 રન બનાવ્યા. પાકિસ્તાન તરફથી કેપ્ટન ફાતિમા સના અને ડાબોડી સ્પિનર ​​સાદિયા ઇકબાલે અનુક્રમે 33 અને 41 રન આપીને બે-બે વિકેટ લીધી.
