Final Up to date:
IND vs PAK: ટી20 વર્લ્ડ કપ 2026ની સૌથી મોટી મેચની આડે હવે થોડા જ કલાકો છે. કોલંબોમાં આર પ્રેમદાસા સ્ટેડિયમમાં રમાનાર મેચ માટે ટીમ ઇન્ડિયા સંપૂર્ણ રીતે તૈયાર છે.
IND vs PAK: ટી20 વર્લ્ડ કપ 2026ની સૌથી મોટી મેચની આડે હવે થોડા જ કલાકો છે. કોલંબોમાં આર પ્રેમદાસા સ્ટેડિયમમાં રમાનાર મેચ માટે ટીમ ઇન્ડિયા સંપૂર્ણ રીતે તૈયાર છે. મહત્વની મેચ પહેલા કેપ્ટન સૂર્યકુમાર યાદવે પ્રેસ કોન્ફરન્સમાં ઘણા સવાલોના જવાબ આપ્યા. તેણે સલમાન અલી આગાના ટ્રમ્પ કાર્ડ એટલે કે ઉસ્માન તારિકને પહોંચી વળવા માટેનો પ્લાન પણ જણાવ્યો.
સૂર્યકુમાર યાદવે પ્રેસ કોન્ફરન્સમાં કહ્યું કે, ઉસ્માન તારિક આઉટ ઓફ સિલેબસ જેવો પ્રશ્ન છે, પરંતુ અમે તૈયાર છીએ અને તેની સામે સરેન્ડર નહીં કરીએ. આ દરમિયાન સોશિયલ મીડિયા પર એક વીડિયો સામે આવ્યો છે, જેને જોઈને પાકિસ્તાની જૂથ ચોંકી ગયું હશે.
ભારત-પાકિસ્તાનની મેચ પહેલા આઈસીસીએ સોશિયલ મીડિયા પર એક વીડિયો શેર કર્યો છે. ટીમ ઇન્ડિયાના પ્રેક્ટિસ સેશનના આ વીડિયોમાં કેપ્ટન સૂર્યકુમાર યાદવ ઉસ્માન તારિકના અંદાજમાં બોલિંગ કરી રહ્યો છે. બોલિંગ ક્રીજ પાસે આવીને તે થોડી સેકન્ડ માટે રોકાય છે અને પછી બોલ ફેંકે છે, જ્યારે અભિષેક શર્મા બેટિંગ કરતો જોવા મળી રહ્યો છે. આ વીડિયોને જોઈને એ તો સ્પષ્ટ થઈ ગયું કે, ભલે ઉસ્માન તારિક પહેલીવાર ભારત સામે હોય, પરંતુ તેની બોલિંગથી ભારતીય બેટ્સમેન વધુ પરેશાન નહીં થાય. કેમ કે તેઓએ નેટ્સ પર તેના માટે ઘણી પ્રેક્ટિસ કરી છે.
15 ફેબ્રુઆરીએ રમાનાર મેચ પહેલા સૂર્યકુમાર યાદવ ખૂબ જ રિલેક્સ જોવા મળ્યો. તેણે મોટા ભાગના સવાલના હસતા હસતા જવાબ આપ્યા. પ્રેસ કોન્ફરન્સમાં સૂર્યાએ પાકિસ્તાની કેપ્ટન પર નિશાન સાધતા કહ્યું કે, “સલામાન આગા ઇચ્છે છે, તો કાલે અમે અભિષેક શર્માને જરૂર રમાડીશું.” જ્યારે પાકિસ્તાન ખેલાડીઓ સાથે હાથ મિલાવવાના સવાલ પર ભારતીય કેપ્ટને કહ્યું કે, “હજુ થોડી રાહ જુઓ, ખાઓ અને સૂઈ જાઓ, તેના પર સસ્પેન્સ કાલે મેચ પછી ખતમ થશે.”
જણાવી દઈએ કે, ટી20 વર્લ્ડ કપ 2026માં ટીમ ઇન્ડિયાએ અત્યાર સુધીમાં બે મેચ રમી છે. પહેલા ટીમ ઇન્ડિયાએ અમેરિકાને હરાવ્યું ત્યાર બાદ દિલ્હીના અરુણ જેટલી સ્ટેડિયમમાં નામીબિયાને હરાવ્યું. પાકિસ્તાન સામે મેચ પછી 18 ફેબ્રુઆરીએ ટીમ ઇન્ડિયા પોતાની અંતિમ ગ્રુપ સ્ટેજ મેચમાં નેધરલેન્ડનો સામનો કરશે.
Feb 14, 2026 11:57 PM IST
