WhatsApp digital arrest scams: આગામી દિવસોમાં WhatsApp ડિજિટલ ધરપકડ કૌભાંડોમાં ઉપયોગમાં લેવાતા ડિવાઇસ ID બ્લોક કરી શકે છે. વધુમાં Skype જેવી સલામતી સુવિધાઓ લાગુ કરવા અને ખતરનાક APK ફાઇલોને ઓળખવા અને બ્લોક કરવા જેવી સુવિધાઓ પણ રજૂ કરવામાં આવી શકે છે.
ઇન્ડિયન એક્સપ્રેસના અહેવાલ મુજબ ગૃહ મંત્રાલયની ઉચ્ચ-સ્તરીય આંતર-વિભાગીય સમિતિએ WhatsAppને આ નિર્દેશો જારી કર્યા છે. સરકારનો દલીલ છે કે ડિજિટલ ધરપકડ જેવા કૌભાંડોને રોકવા માટે આ સુવિધાઓ જરૂરી છે.
WhatsApp પણ આ સૂચનોને અમલમાં મૂકવા સંમત થયું છે અને કેટલીક સુવિધાઓ પર કામ શરૂ થઈ ગયું છે. ઉચ્ચ-સ્તરીય આંતર-વિભાગીય સમિતિની ત્રીજી બેઠક આ મહિનાની શરૂઆતમાં યોજાઈ હતી, જ્યાં આ મુદ્દા પર વિગતવાર ચર્ચા કરવામાં આવી હતી.
આગામી દિવસોમાં WhatsApp પર કુલ પાંચ નવા ફિચર્સ આવી શકે છે
પ્રથમ ફિચર: ડિજિટલ ધરપકડના આરોપીઓના ઉપકરણોને ઓળખશે અને તેમના ID બ્લોક કરશે.
બીજી ફિચર: WhatsApp Skype જેવી જ ઘણી રક્ષણાત્મક સુવિધાઓ લાગુ કરશે.
ત્રીજું ફિચર: ડિલીટ કરેલા એકાઉન્ટ્સનો યુઝર ડેટા ઓછામાં ઓછા 180 દિવસ માટે સાચવવામાં આવશે.
ચોથું ફિચર: ખતરનાક APK ફાઇલોને ઓળખવા અને બ્લોક કરવા માટે એક મિકેનિઝમ વિકસાવવી.
પાંચમું ફિચર: નકલી સામગ્રી ઓળખવા માટે કૃત્રિમ બુદ્ધિ અને મશીન લર્નિંગ સિસ્ટમ્સને મજબૂત બનાવવી.
WhatsApp ને 30 દિવસની અંદર નવી સુવિધાઓ માટે દરખાસ્તો સબમિટ કરવાનો નિર્દેશ આપવામાં આવ્યો છે. વધુમાં, ડિજિટલ ધરપકડના કેસોમાં ઉપયોગમાં લેવાતા ડિવાઇસ ID ને બ્લોક કરવા માટે નવી મિકેનિઝમ પર 45 દિવસની અંદર એક અલગ દરખાસ્ત સબમિટ કરવાનું કહેવામાં આવ્યું છે.
ડિજિટલ ધરપકડ કૌભાંડમાં, છેતરપિંડી કરનારાઓ નકલી પોલીસ અધિકારીઓ અથવા તપાસ એજન્સીના અધિકારીઓ તરીકે પોતાને રજૂ કરે છે અને પછી પીડિતોને વિવિધ બેંક ખાતાઓમાં પૈસા ટ્રાન્સફર કરવા માટે ડરાવે છે.
સાયબર છેતરપિંડીના આ વધતા જતા કેસોના જવાબમાં, ગયા વર્ષે 28 નવેમ્બરના રોજ, ટેલિકોમ્યુનિકેશન વિભાગ (DoT) એ એક નવો નિયમ જારી કર્યો હતો.
આ પણ વાંચોઃ- પ્રીમિયમ પેટ્રોલ શું છે? રેગ્યુલર પેટ્રોલથી કેટલું અલગ હોય છે પ્રીમિયમ પેટ્રોલ, જાણો તમામ માહિતી
આ નિયમ હેઠળ, WhatsApp, ટેલિગ્રામ, સિગ્નલ અને સ્નેપચેટ જેવી એપ્સને વપરાશકર્તાઓના એકાઉન્ટ્સને સક્રિય સિમ સાથે લિંક કરવાની સૂચના આપવામાં આવી હતી. WhatsApp ચાર થી છ મહિનામાં આ નિયમ લાગુ કરે તેવી અપેક્ષા છે.
