Upcoming Films And Net Collection OTT Launch This Week : ઓટીટીના વિવિધ પ્લેટફોર્મ પર દર અઠવાડિયે નવી મૂવીઝ, વેબ સિરીઝ સ્ટ્રીમ કરવામાં આવે છે. આ સિવાય થિયેટરોમાં આવેલી ફિલ્મો પણ દોઢ થી બે મહિના પછી ડિજિટલ પ્લેટફોર્મ પર રજૂ કરવામાં આવે છે. ફેબ્રુઆરી મહિનાના પ્રથમ ત્રણ સપ્તાહમાં દર્શકોને એક કરતાં વધુ ફિલ્મો અને સિરીઝ જોવાની તક મળી હતી.
મનોરંજનની સફર ફેબ્રુઆરીના છેલ્લા અઠવાડિયામાં ચાલુ રહેવાની છે. 23 ફેબ્રુઆરી થી 28 ફેબ્રુઆરી વચ્ચે નેટફ્લિક્સ, પ્રાઇમ વીડિયો, હોટસ્ટાર, ઝી5 જેવા પ્લેટફોર્મ પર ઘણી ફિલ્મો અને સિરીઝ આવી રહી છે. જેમા તે પ્રિયંકા ચોપરાની ‘ધ બ્લફ’ થી લઈ કોંકણાની ‘એક્યૂઝ્ડ’સામેલ છે. ચાલો જાણીએ આ સપ્તાહે કઇ ફિલ્મ અને વેબ સિરીઝ રિલિઝ થવાની છે.
પેરેડાઇઝ (Paradise Season 2)
વેબ સિરીઝ ‘પેરેડાઇઝ’ની પ્રથમ સીઝન હિટ થયા બાદ હવે મેકર્સ તેની બીજી સીઝન લાવવા જઈ રહ્યા છે. બીજી સીઝનની વાર્તા જ્યાંથી છોડી હતી ત્યાંથી શરૂ થશે. તે 23 ફેબ્રુઆરીએ જિયો હોટસ્ટાર પર સ્ટ્રીમ થવાની છે.
સાયકો સૈયાં (Psycho Saiyaan)
રવિ કિશન, તેજસ્વી પ્રકાશ અને અનૂદ સિંહ ઢાકા સ્ટારર સિરીઝ ‘સાયકો સૈયાં’ એ સીધી સાદી લવ સ્ટોરી નથી. તેમા દર્શકોને દેખાશે કે કેવી રીતે પ્રેમ ધીમે ધીમે જુનુનનું સ્વરૂપ લે છે અને પછી ખતરનાક ગાંડપણ. ઉજ્જૈનનો રહેવાસી કાર્તિક (અનૂદ સિંહ ઢાકા) ચારુ (તેજસ્વી પ્રકાશ) ના પ્રેમમાં સંપૂર્ણપણે પાગલ છે અને જેમ જેમ તેની વાર્તા આગળ વધશે, સિરિઝ વધુ રોમાંચક બનશે. તે 25 ફેબ્રુઆરીએ એમએક્સ પ્લેયર પર જોઈ શકાય છે.
ધ બ્લફ (The Bluff)
ગ્લોબલ આઇકોન પ્રિયંકા ચોપડા ટૂંક સમયમાં ‘ધ બ્લફ’માં જોવા મળશે. એક્શન થ્રિલર ફિલ્મ અંગ્રેજીની સાથે સાથે હિન્દી, તમિલ, તેલુગુ, મલયાલમ અને કન્નડ ભાષામાં રજૂ થવા જઈ રહી છે. આ ફિલ્મમાં અભિનેત્રી ચાંચિયાની ભૂમિકા ભજવતી જોવા મળશે. આવી સ્થિતિમાં, લોકો તેને આ ભૂમિકામાં જોવા માટે આતુર છે. ધ બ્લફ’ની વાર્તા બદલો અને ખજાનાની શોધની આસપાસ ફરશે. તે 25 ફેબ્રુઆરીએ પ્રાઇમ વીડિયો પર જોઈ શકાય છે.
આ પણ વાંચો | વિજય દેવરકોંડા અને રશ્મિકા મંદાના એ તેમના લગ્નની પુષ્ટિ કરી, આ ફિલ્મથી શરૂ થઇ હતી તેમની લવ સ્ટોરી
એક્યૂઝ્ડ (Accused)
કોંકણા સેન શર્મા અને પ્રતિભા રાંટા અભિનિત ફિલ્મ ‘એક્યૂઝ્ડ’ પણ આ અઠવાડિયે ઓટીટી પર રિલીઝ થવાની છે. તેની વાર્તા એક ડોક્ટરની આસપાસ ફરશે જેના પર જાતીય ગેરવર્તણૂકનો આરોપ છે. તે 27 ફેબ્રુઆરીએ નેટફ્લિક્સ પર જોઈ શકાય છે.
