Legendary Singer Asha Bhosle Dying Information : આશા ભોંસલેનું નિધન થયું છે. ભારતના પ્રસિદ્ધ પ્લેબેક સિંગર આશા ભોંસલના નિધનથી મ્યુઝિક ઇન્ડસ્ટ્રીઝના એક યુગનો અંત થયો છે. આશા તાઇના નિધનથી માત્ર ફિલ્મ ઇન્ડસ્ટ્રીઝ જ નહીં, તેમના ચાહકોને મોટો આઘાત લાગ્યો છે. ભારતીય સંગીતની દુનિયામાં કેટલાક એવા નામ છે જે માત્ર કલાકારો જ નહીં પરંતુ એક યુગ બની જાય છે અને તેમાંથી એક નામ દિગ્ગજ ગાયિકા આશા ભોંસલે. ગાયિકાએ ખૂબ જ નાની ઉંમરે પોતાની ગાયકીની કારકિર્દી શરૃ કરી હતી અને તેમણે માત્ર પોતાના અવાજથી પેઢીઓને પાગલ બનાવ્યા હતા એટલું જ નહીં, પરંતુ એ પણ સાબિત કર્યું હતું કે સાચો કલાકાર પોતાને રિમોડેલ કરીને સમયની સાથે સુધરે છે.
એક ઇન્ટરવ્યૂમાં આશા ભોંસલેએ પોતે જણાવ્યું હતું કે તેણે માત્ર 10 વર્ષની ઉંમરે તેમનું પ્રથમ ગીત રેકોર્ડ કર્યું હતું. આ સિવાય તેમણે લગભગ 20 ભાષાઓમાં 12000 થી વધુ ગીતો ગાયા હતા. તેમના નામે ગિનીસ વર્લ્ડ રેકોર્ડ છે. ચાલો જાણીયે તેમણે ઇન્ટરવ્યુમાં શું કહ્યું હતું.
10 વર્ષની ઉંમરે ગાયું પહેલું મરાઠી ગીત
આશા ભોંસલેએ એક વખત આર ભરતને કહ્યું હતું કે, ‘હું 10 વર્ષની હતી અને તે 1943 ની વાત હતી. આ પ્રથમ ગીત હતું જે મેં ક્યારેય માઇક સાથે ઉભા રહીને ગાયું હતું. તે સમયે હું ખૂબ ધ્રૂજી રહી હતી. મને ખબર નહોતી કે માઇક શું છે. આ બધું બિલકુલ આવ્યું નથી, કંઈક માઇક જેવું હોય છે અને ગીત ગવાય છે. મારા પપ્પાએ તેમના ગીતો રેકોર્ડ કર્યા હતા. પછી જ્યારે મેં પહેલું ગીત ગાયું ત્યારે મને લાગ્યું કે હું ગાઈ શકું છું. દીદી માત્ર ગાય છે, હું પણ ગાઈ શકું છું. ”
તેમણે વધુમાં જણાવ્યું હતું કે, “મને લાગ્યું કે અમારા બધા ભાઈ-બહેનો ગાય છે. જીવન ત્યાંથી શરૂ થયું હતું અને હું ત્યાંથી આજે સુધી ઉભી છું. ફિલ્મ લાઇનનું સ્ટેન્ડિંગ એવું છે કે જો તમે 10 વાગે સ્ટૂડિયો પહોંચો છો તો રાતે 10 કે 11 વાગે તમને છોડે છે. ક્યારેક ક્યારેક તેઓ સવારે 8 વાગ્યે છોડે છે. ”
20 ભાષાઓમાં 12,000 થી વધુ ગીતો ગાયા
આશા ભોંસલેએ 20 જુદી જુદી ભાષાઓમાં ગીતો માટે પોતાનો અવાજ આપ્યો હતો. આ યાદીમાં હિન્દી, મરાઠી, પંજાબી, તમિલ, અંગ્રેજી, આસામી, ઉર્દૂ, તેલુગુ, બંગાળી, ગુજરાતી, રશિયન, ઝાઇચ, નેપાળી અને મલયાલમ જેવી ભાષાઓનો સમાવેશ થાય છે. તેણે 12,000થી વધુ મતો ગાયા હતા અને તેનું નામ ગિનીસ વર્લ્ડ રેકોર્ડમાં પણ હતું. આટલું જ નહીં, આશા ભોંસલેએ તમામ પ્રકારના ગીતો સરસ રીતે ગાયા હતા. તેમણે શાસ્ત્રીય સંગીતથી લઈને કવાલી, કેબરે અને પોપ સુધીની દરેક સ્ટાઇલના ગીત ગાયા અને ફેમસ થયા હતા.
આશા ભોંસલેના પ્રખ્યાત ગીત
આશા ભોંસલેએ ‘કારવા’ ફિલ્મના ‘પિયા તુ અબ તો આજા’, ‘ડોન’ ફિલ્મની ‘યે મેરા દિલ’, ‘તીસરી મંઝિલ’ની ‘ઓ હસીના ઝુલ્ફોન વાલી’, ફિલ્મ ‘એક મુસાફિર એક હસીના’નું ‘મૈં પ્યાર કા રાહી હું’, ફિલ્મ ‘કાશ્મીર કી કાલી’ના ‘દીવાના હુઆ બાદલ…’, ઇશારો ઇશારો મેં’ જેવા ગીતો ગાયા હતા. ગાયિકની કલાને સલામ કરતા, ભારત સરકારે તેમને ‘પદ્મ વિભૂષણ’ અને ‘દાદાસાહેબ ફાળકે’ જેવા દેશના સર્વોચ્ચ નાગરિક અને સિનેમા પુરસ્કારો પણ એનાયત કર્યા હતા.
આશા ભોંસલેનું નિધન, સોમવારે અંતિમ સંસ્કાર થશે
દિગ્ગજ ગાયિકા આશા ભોંસલેનું તારીખ 12 એપ્રિલ,2026ના રોજ નિધન થયું છે. શનિવારે તેમને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. તેમણે રવિવારે બપોરે 92 વર્ષની વયે અંતિમ શ્વાસ લીધા હતા. આ માહિતી તેમના પુત્ર આનંદ ભોંસલેએ પત્રકારો સાથે વાત કરતી વખતે આપી હતી. તેમના અંતિમ સંસ્કાર સોમવારે સાંજે 4 વાગ્યે કરવામાં આવશે
