Strait Of Hormuz Information : અમેરિકાના વિદેશ મંત્રી માર્કો રુબિયોએ શુક્રવારે હોર્મુઝ સ્ટ્રેટમાંથી પસાર થતા જહાજો પર ટોલ લગાવવા સામે ચેતવણી આપી હતી અને આવી કાર્યવાહીને અસ્વીકાર્ય અને વૈશ્વિક વેપાર માટે ખતરો ગણાવ્યો હતો.
પત્રકારો સાથેની વાતચીતમાં માર્કો રુબિઓએ જણાવ્યું હતું કે હોર્મુઝ સ્ટ્રેટમાં ટોલ સિસ્ટમ સંપૂર્ણપણે અસ્વીકાર્ય છે અને તે વિશ્વ માટે ખતરો છે અને સંપૂર્ણપણે ગેરકાયદેસર છે. માર્કો રુબિઓનું આ નિવેદન ઇરાન-યુએસ સંઘર્ષ પછી વ્યૂહાત્મક રીતે મહત્વપૂર્ણ હોર્મુઝ સ્ટ્રેટની આસપાસ વધતા તણાવ વચ્ચે આવ્યું છે.
28 ફેબ્રુઆરીએ યુએસ અને ઇઝરાયેલ સાથેના સંઘર્ષની શરૂઆતથી ઇરાને હોર્મુઝ સ્ટ્રેટમાંથી પસાર થતા જહાજો પર ઘણા હદ સુધી પ્રતિબંધ મૂક્યો છે. આ સિવાય ભારપૂર્વક જણાવ્યું હતું કે એપ્રિલમાં લાગુ યુદ્ધવિરામ અને યુએસ નૌકાદળની નાકાબંધી હોવા છતાં જહાજોએ ઇરાની અધિકારીઓની પરવાનગી લેવી આવશ્યક છે.
ઈરાને હોમુર્ઝ માટે નવી સિસ્ટમ શરૂ કરી
સીએનએનના અહેવાલ અનુસાર ઇરાની શાસને ઔપચારિક રીતે પર્શિયન ગલ્ફ સ્ટેટ્સ ઓથોરિટીની શરૂઆત કરી છે. તે જ સમયે એવી પણ જાહેરાત કરી છે કે કોઈ પણ જહાજ તેની મંજૂરી વિના હોમર્ઝ સ્ટ્રેટમાંથી પસાર થઈ શકશે નહીં.
પીએમ મોદીને ઝાલમુડી ખવડાવનાર દુકાનદારને મળી ધમકી, પાકિસ્તાન-બાંગ્લાદેશથી આવ્યા ધમકીભર્યા ફોન
ઈરાનની સુપ્રીમ નેશનલ સિક્યુરિટી કાઉન્સિલે પીજીએસએના નવા સત્તાવાર એક્સ પર લખ્યું છે પર્શિયન ગલ્ફ સ્ટ્રેટ ઓથોરિટીના સત્તાવાર એક્સ એકાઉન્ટ શરૂ થયા છે. હોમુર્ઝ સ્ટ્રેટમાં થતા અભિયાનો લેટેસ્ટ ઘટનાક્રમ પર રીઅલ-ટાઇમ અપડેટ્સ મેળવવા માટે ફોલો કરો. ઇરાનની રિવોલ્યુશનરી ગાર્ડ્સ નેવીએ તરત જ તે જ પોસ્ટ રી પોસ્ટ કરી હતી.
VIDEO | US Secretary of State Marco Rubio says, “Tolling system in Strait of Hormuz is unacceptable; it’s a menace to the world and fully unlawful.”
(Supply: Third Get together)#StraitofHormuzpic.twitter.com/QGbFuOkNGv
— Press Belief of India (@PTI_News) May 21, 2026
શિપિંગ કંપનીઓએ 40 થી વધુ પ્રકારની માહિતી આપવી પડશે
પીજીએસએએ 18 મેના રોજ એક્સ પરની તેની પોસ્ટમાં જાહેરાત કરી હતી કે તે હવે ઇરાની સરકાર તરફથી હોમુર્ઝ જળમાર્ગમાંથી પસાર થતા જહાજોના સંચાલન માટે જવાબદાર કાનૂની સંસ્થા અને પ્રતિનિધિ સત્તા છે. નિયમોનું પાલન કરવાનો બોજ ખૂબ વધારે છે. શિપિંગ કંપનીઓએ જહાજનો ઓળખ નંબર, મૂળ સ્થળ, ગંતવ્ય, કાર્ગોની વિગતો અને ક્રૂ મેમ્બર્સ, માલિકો અને ઓપરેટરોની રાષ્ટ્રીયતા સહિત 40 થી વધુ પ્રકારની માહિતી આપવી પડશે.
