Final Up to date:
India vs England T20 World Cup 2026: ભારત અને ઈંગ્લેન્ડ વચ્ચે આજે ટી20 વર્લ્ડ કપની બીજી સેમિફાઈનલ રમાઈ રહી છે. જે આ મેચ જીતશે તે 8 માર્ચના રોજ ન્યૂઝીલેન્ડ વિરુદ્ધ અમદાવાદમાં ફાઈનલ મેચ રમશે. ભારતે પહેલા બેટિંગ કરતા 253 રન બનાવી લીધા છે. ઈંગ્લેન્ડને હવે જીતવા માટે 254 રન બનાવવા પડશે.
India vs England T20 World Cup 2026: ભારત અને ઈંગ્લેન્ડ વચ્ચે આજે ટી20 વર્લ્ડ કપની બીજી સેમિફાઈનલ રમાઈ રહી છે. જે આ મેચ જીતશે તે 8 માર્ચના રોજ ન્યૂઝીલેન્ડ વિરુદ્ધ અમદાવાદમાં ફાઈનલ મેચ રમશે. ભારતે પહેલાં બેટિંગ કરતા 253 રન બનાવી લીધા છે. ઈંગ્લેન્ડને હવે જીતવા માટે 254 રન બનાવવા પડશે.
આઈસીસી મેન્સ ટી20 વર્લ્ડ કપ 2026ની બીજી સેમિફાઈનલ આજે મુંબઈના વાનખેડે સ્ટેડિયમમાં છે. જ્યાં ભારત અને ઈંગ્લેન્ડ આમને-સામને છે. મેચમાં ભારતે ઈંગ્લેન્ડને જીત માટે 254 રનનો ટાર્ગેટ આપ્યો છે. ભારતે 7 વિકેટના નુકસાન પર 253 રન બનાવ્યા છે. જે વર્લ્ડ કપની નોકઆઉટ મેચમાં કોઈ ટીમનો સૌથી મોટો સ્કોર છે. સંજૂ સેમસને શાનદાર રીતે 89 રન બનાવ્યા છે.
મેચમાં ટોસ હારતાં, પહેલાં બેટિંગ કરવા આવેલી ટીમ ઇન્ડિયાએ સાત વિકેટ પર 253 રન બનાવ્યા. ભારત માટે ઓપનિંગ કરવા આવેલા સંજૂ સેમસન અને અભિષેક શર્માએ શરૂઆત કરી, પણ અભિષેક ફરી એકવાર ફ્લોપ સાબિત થતાં 9 રન બનાવીને આઉટ થઈ ગયો હતો. ત્યારબાદ સંજૂ અને ઇશાને પાવરપ્લેમાં 67/1 સ્કોર સુધી લઈ ગયા. પાવરપ્લેની તરત જ બાદ સંજૂએ 26 બોલમાં 7 ચોગ્ગા અને 3 છગ્ગાની મદદથી પોતાની અડધી સદી પૂરી કરી લીધી.
T20 વર્લ્ડ કપની નોકઆઉટ મેચમાં કોઈ પણ ટીમ માટે આ બીજા સૌથી ઝડપી 100 રન છે. જ્યારે ગઈકાલે (4 માર્ચે) ન્યૂઝીલેન્ડે દક્ષિણ આફ્રિકા સામે 7.5 ઓવરમાં 100 રન બનાવ્યા હતા. ઈશાન કિશન (39) સારી લયમાં દેખાઈ રહ્યો હતો, પણ તે આદિલ રશીદના બોલ પર મોટો શોટ રમવા ગયો અને લૉન્ગ-ઓફ પર વિલ જેક્સે શાનદાર કેચ પકડ્યો.
ઈશાન કિશનના આઉટ થતાં જ ભારતનો સ્કોર 117/2 થયો. ત્યારબાદ સંજૂ સેમસને દુબે સાથે સ્કોર આગળ વધાર્યો. પણ સંજૂ વિલ જેક્સની ફ્લાઇટેડ બોલ પર ઇનસાઈડ-આઉટ શોટ રમવા ગયો અને 42 બોલમાં 89 રન બનાવીને સદીથી ચૂકી ગયો. સંજૂના આઉટ થતાં જ ભારતનો સ્કોર 160/3 થયો. બીજી બાજુ, સૂર્યકુમાર યાદવ પણ રન બનાવીને આદિલ રશીદની બોલ પર આઉટ થયા.
શિવમ દુબે શાનદાર લયમાં દેખાઈ રહ્યો હતો, પણ તે રનઆઉટ થઈ ગયો. શિવમ દુબેએ 4 છગ્ગા અને 1 ચોગ્ગાની મદદથી 25 બોલમાં 43 રન બનાવ્યા. શિવમ દુબેના આઉટ થવા સમયે ભારતનો સ્કોર 212/5 હતો. ભારતની છઠ્ઠી વિકેટ તિલક વર્મા તરીકે પડી, જેણે 3 છગ્ગાની મદદથી 7 બોલમાં 21 રનનું યોગદાન આપ્યું. ભારતની સાતમી વિકેટ હાર્દિક પંડ્યા તરીકે પડી, જેણે 27 રન બનાવ્યા હતા.
