ભારત સિવાય બીજા કેટલા દેશ કરે છે UPIનો ઉપયોગ? ન ખબર હોય તો જલ્દીથી ચેક કરી લો લિસ્ટ

પ્રધાનમંત્રી નરેન્દ્ર મોદીની ઈઝરાયેલ યાત્રા દરમિયાન બંને દેશોની વચ્ચે યૂપીઆઈને લઈને એક મોટો કરાર થયો છે. આ કરાર બાદ હવે ઈઝરાયેલમાં પણ ભારતના UPI દ્વારા રૂપિયાની લેવડ-દેવડ કરી શકાશે.

દુનિયાભરમાં વધી રહ્યો છે UPIનો દબદબો- ભારતમાં યૂપીઆઈ એટલું લોકપ્રિય છે કે, તે કેશ ટ્રાન્ઝેક્શનને પણ પાછળ છોડી ચૂક્યું છે. હજુ સુધી સિંગાપોર, યૂએઈ, ફ્રાન્સ અને નેપાળ સહિત 8થી વધારે દેશોમાં તેનો ઉપયોગ થઈ રહ્યો છે. ભારતના નાણા મંત્રાલયના અનુસાર, દેશના 57 ટકા ટ્રાન્ઝેક્શન હવે યૂપીઆઈ દ્વારા જ થાય છે.

યૂપીઆઈ શું છે?

યૂપીઆઈ એક ડિજિટલ પેમેન્ટ સિસ્ટમ છે. જેનાથી તમે મોબાઈલ દ્વારા તરત જ રૂપિયા મોકલી અને મંગાવી શકો છો. આ સિસ્ટમને નેશનલ પેમેન્ટ કોર્પોરેશન ઓફ ઈન્ડિયાએ ડેવલપ કરી છે. યૂપીઆઈની મદદથી તમે 24×7 બેંક ખાતાથી સીધું ટ્રાન્ઝેક્શન કરી શકો છો. આમાં માત્ર મોબાઈલ નંબર, UPI ID કે QR કોડની જરૂર હોય છે. આ સિસ્ટમમાં IFSC કોડ કે એકાઉન્ટ નંબર યાદ રાખવાની જરૂર હોતી નથી.