વડોદરામાં દુલ્હન સ્કૂટર પર લગ્ન કરવા પહોંચી, કારણ જાણીને ચોંકી જશો, વીડિયો સોશિયલ મીડિયામાં વાયરલ

બનાવને લઈને જો વિગતવાર વાત કરીએ તો, લગ્નના શુભ મુહૂર્તને સાચવવા માટે દુલ્હનને પરંપરાગત પાલખી કે સજાવટ કરેલી કારને બદલે સ્કૂટર પર લિફ્ટ લઈને લગ્નસ્થળે પહોંચવું પડ્યું હોવાનું સામે આવ્યું છે. સામાન્ય રીતે લગ્ન પ્રસંગોમાં ભવ્ય એન્ટ્રીની ચર્ચા થાય છે, પરંતુ આ વખતે દુલ્હનની એન્ટ્રી શહેરની ટ્રાફિક સમસ્યાઓને કારણે ચર્ચાનો વિષય બની ગઈ છે.

જાન પાર્ટી પ્લોટ પર સમયસર પહોંચી ગઈ હતી, પરંતુ દુલ્હનની કાર ટ્રાફિકમાં અટવાઈ જતા મુહૂર્ત હાથમાંથી નીકળી જવાની ભીતિ ઊભી થઈ. પરિસ્થિતિની ગંભીરતા સમજતા દુલ્હને તાત્કાલિક નિર્ણય લીધો. લગ્ન પહેલાંનું ફોટોશૂટ રદ કરીને તેણે રસ્તા પરથી પસાર થતાં એક સ્કૂટરચાલક પાસે લિફ્ટ માગી અને સ્કૂટર પર જ લગ્નસ્થળે પહોંચી ગઈ.