ભારત અને પાકિસ્તાન વચ્ચે ચાલી રહેલી ચેમ્પિયન્સ ટ્રોફી મેચ જોવા માટે ઘણી સેલિબ્રિટીઓ દુબઈ પહોંચી ગઈ છે. આ હાઈ વોલ્ટેજ મેચમાં, હાર્દિક પંડ્યાની રૂમર્ડ ગર્લફ્રેન્ડ જાસ્મીન વાલિયા પણ સ્ટેડિયમમાં બેસીને મેચનો આનંદ માણતી જોવા મળી હતી. બ્રિટિશ ગાયિકા જાસ્મીનનો ફોટો ઇન્ટરનેટ પર ઝડપથી વાયરલ થઈ રહ્યો છે. વાલિયાને સ્ટેડિયમમાં જોઈને હાર્દિક પંડ્યા સાથેના તેના અફેરના સમાચારોને માન્યતા મળી છે. પંડ્યાએ આ મેચમાં ભારતને પહેલી વિકેટ અપાવી હતી. ટીમ ઈન્ડિયાના સ્ટ્રાઈક બોલરો મોહમ્મદ શમી અને હર્ષિત રાણા શરૂઆતની ઓવરોમાં ફ્લોપ રહ્યા, જ્યારે હાર્દિકે 9મી ઓવરમાં બાબર આઝમને આઉટ કરીને ભારત માટે મોટી વિકેટ મેળવી.
