Final Up to date:
બદલાતી જીવનશૈલી અને બહારના ખોરાકને કારણે શરીરમાં ઝેરી તત્વો (Toxins) જમા થતા હોય છે, જે લાંબા ગાળે અનેક રોગોનું કારણ બને છે. આયુર્વેદમાં પાણી સાથે કુદરતી ઔષધિઓના મિશ્રણને શરીરની આંતરિક સફાઈ માટે ઉત્તમ માનવામાં આવ્યું છે. તાજેતરમાં સોશિયલ મીડિયા પર પ્રચલિત થયેલા આયુર્વેદિક નુસખાઓ મુજબ, વરિયાળી, અજમો કે ફુદીના જેવી વસ્તુઓનો ચોક્કસ સમયગાળા માટે ઉપયોગ કરવાથી પાચનતંત્ર સુધરે છે.
સુરતઃ આજના સમયમાં ખરાબ ખાનપાન અને જીવનશૈલીના કારણે અનેક સ્વાસ્થ્ય સમસ્યાઓ ઊભી થતી હોય છે. ત્યારે આયુર્વેદમાં પાણી સાથે વિવિધ કુદરતી વસ્તુઓનું મિશ્રણ કરીને પીવાના અનેક ફાયદાઓ બતાવવામાં આવ્યા છે. તાજેતરમાં સોશિયલ મીડિયા પર પ્રચલિત થયેલી માહિતી મુજબ, ચોક્કસ સમયગાળા માટે લેવામાં આવતા આ ઉપાયો શરીરની અંદરથી સફાઈ (ડિટોક્સ) કરવામાં અને જૂની બીમારીઓમાં રાહત આપવામાં મદદરૂપ સાબિત થઈ શકે છે.
નિષ્ણાતોના મતે, આ પાણી આધારિત ઉપાયો શરીર પર હકારાત્મક અસર કરે છે.
વરિયાળીનું પાણી: 7 દિવસ સુધી વરિયાળીનું પાણી પીવાથી કફની સમસ્યા દૂર થાય છે અને શ્વસનનળી સાફ થાય છે, જેનાથી શ્વાસ લેવામાં સરળતા રહે છે.
અળસીનું પાણી: રોજ સવારે 12 દિવસ સુધી અળસીનું પાણી પીવાથી સાંધામાં લ્યુબ્રિકેશન વધે છે અને હોર્મોન્સનું સંતુલન જળવાઈ રહે છે.
જાસૂદના ફૂલનું પાણી: 2 અઠવાડિયા સુધી આ પાણીનું સેવન કરવાથી લોહી પાતળું થાય છે અને બ્લડ પ્રેશર નિયંત્રિત કરવામાં મદદ મળે છે.
લીંબુની છાલનું પાણી: 1 અઠવાડિયા સુધી લીંબુની છાલવાળું પાણી પીવાથી લિવરની સફાઈ થાય છે અને શરીરમાંથી ઝેરી ધાતુઓ (Toxins) દૂર થાય છે.
અજમાનું પાણી: ગેસ, પેટનું ફૂલવું અને પેટમાં આવતી આંકડીની સમસ્યા માટે 10 દિવસ સુધી અજમાનું પાણી પીવું અત્યંત ફાયદાકારક છે.
હળદર-કાળા મરીનું પાણી: સવારે 10 દિવસ સુધી આ મિશ્રણ પીવાથી કોષોની આંતરિક એન્ટીઓક્સિડન્ટ સુરક્ષા સક્રિય થાય છે અને રોગપ્રતિકારક શક્તિ વધે છે.
ફુદીનાનું પાણી: 12 દિવસ સુધી ફુદીનાનું પાણી પીવાથી શરીર અંદરથી ઠંડુ રહે છે અને પાચનતંત્ર રિસેટ થાય છે.
Disclaimer
(અહીં આપવામાં આવેલી માહિતી સામાન્ય જાણકારી આધારિત છે. કોઇ પણ ઉપાય અજમાવતા પહેલાં એક્સપર્ટની સલાહ લેવી આવશ્યક છે. ન્યૂઝ18 ગુજરાતી આની કોઇ પુષ્ટિ કરતુ નથી.)
