દ્વારકા-ખંભાળિયા હાઇવે પર ગમખ્વાર અકસ્માત, કારનો ભુક્કો બોલી ગયો, બે મિત્રોના મોત

બનાવ અંગેની મળતી વિગત પ્રમાણે, ખંભાળિયા બાયપાસ નજીક હાઈવે રોડ પર બેસેલા પશુ સાથે પૂરપાટ ઝડપે પસાર થતી કાર અથડાઈ હતી. ત્યારબાદ ચાલકે સ્ટિયરિંગ પરનો કાબૂ ગુમાવતા કાર ડિવાઈડક કૂદીને સામેથી આવતા ટ્રક સાથે ધડાકાભેર અથડાઈ હતી. જેના કારણે કારમાં સવાર પ્રીતરાજસિંહ તથા પ્રતિપાલસિંહ નામના બંન્ને મિત્રોના ઘટના સ્થળે જ કમકમાટીભર્યા મૃત્યુ નિપજ્યા હતા.

પ્રાથમિક જાણકારી પ્રમાણે બંન્ને મૃતક યુવકો ગઢકા ગામના વતની હતા. બંને મિત્રો રાજકોટથી ગઢકા ગામે પોતાના ઘરે જઈ રહ્યા હતા ત્યારે અકસ્માત સર્જાયો હતો. આ સમગ્ર મામલે પોલીસે વધુ તપાસ હાથ ધરી છે.