દ્વારકામાંથી પાંચ બાંગ્લાદેશી મહિલાની ધરપકડ, રુક્ષ્મણી મંદિર પાસે મોઢું છુપાવીને ફરતી હતી

મહિલા દ્વારકામાં આવેલ રુક્ષ્મણી મંદિરની પાછળના વિસ્તારમાં હતી અને શંકાસ્પદ રીતે વાતચીત કરી રહી હતી. તે સમયે એસઓજી દ્વારા પાંચેય મહિલાઓને ઝડપી પાડવામાં આવી. મહિલાઓ ક્યાંથી અને કેવી રીતે ભારતમાં પ્રવેશી છે તેને લઈને હાલ તપાસ કરવામાં આવી રહી છે. જોકે સમગ્ર મામલે હાલ અત્યાર સુધી એવી માહિતી સામે આવી છે કે સમુદ્રી માર્ગેથી આ મહિલાઓ ભારતમાં ઘુસી અને જે એજન્ટે તેમને ભારતમાં પહોંચાડી તેણે 25 હજાર રૂપિયા મહિલાઓ પાસેથી લીધા હતા.

ઉલ્લેખનીય છે કે આ પાંચેય મહિલાઓ ભારતમાં રહીને ગેરકાયદેસર કમાણી કરીને પૈસા મોકલતી હતી તેવી માહિતી પણ સામે આવી છે. એજન્ટ તેમને આપેલા રૂપિયામાંથી પોતાનું કમિશન કાઢી લે અને પછી તે બાંગ્લાદેશી નાગરીકોના પરિવારોને ભારતમાં મોકલે છે. આ મહિલાઓ ભારતમાં હિન્દુ નામ ધારણ કરીને રહેતી હોવાનું પણ સામે આવ્યું છે. જેમા હિન્દુ યુવકો સાથે રહી તે ભારતમાં વસી જતી હતી. સમગ્ર મામલે પોલાીસ હાલ આ મહિલાઓના કોની સાથે સંપર્ક છે સાથેજ તેમનું નેટવર્ક કેટલું ફેલાયેલું છે તેને લઈને તપાસ કરી રહી છે.