Final Up to date:
ગ્લોબલ સ્ટાર પ્રિયંકા ચોપરાએ ફરી એકવાર આંતરરાષ્ટ્રીય સ્તર પર ભારતનું ગૌરવ વધાર્યું છે. હોલિવૂડમાં પોતાની ઓળખ બનાવનાર એક્ટ્રેસને આગામી 98મા એકેડમી એવોર્ડ્સમાં પ્રેઝન્ટર લિસ્ટમાં સ્થાન મળ્યું છે.
બોલિવૂડની ‘દેશી ગર્લ’ આ દિવસોમાં હોલિવૂડમાં ધાક જમાવી રહી છે. લેટેસ્ટ માહિતી અનુસાર પ્રિયંકા ચોપરા 98મા એકેડમી એવોર્ડ્સમાં પ્રેઝન્ટર તરીકે જોવા મળશે. જોકે આ એક ભારત માટે ગર્વની વાત છે. પ્રિયંકાએ પોતે આ વાતનો ખુલાસો કર્યો છે. એક્ટ્રેસે સોશિયલ મીડિયા દ્વારા આ વાતની પુષ્ટિ કરી છે. જોકે એક્ટ્રેસ છેલ્લા ઘણા સમયથી ગ્લોબલ સ્ટેજ પર કામ કરી રહી છે.
પ્રિયંકા ચોપરાએ શુક્રવારના રોજ તેના ઇન્સ્ટાગ્રામ હેન્ડલ પર એક પોસ્ટ શેર કરી છે. પ્રિયંકાની સાથે પ્રસ્તુતકર્તાના નામ પણ સામેલ છે. એક્ટ્રેસે કેપ્શનમાં લખ્યું છે કે, વર્ષ 2026 એકેડમી એવોર્ડ્સ. પ્રિયંકાની સાથે આ લિસ્ટમાં રોબર્ટ ડાઉની જૂનિયર, એની હૈથવે, વિલ અર્નેટ, ગ્વેનેથ પાલ્ટ્રો અને પોલ મેસ્કેલ જેવા મોટા નામ સામેલ છે. આ સિતારાઓ સમારોહમાં મંચ પર જોવા મળશે, જેમાં અનેક પ્રતિષ્ઠિત પુરસ્કાર વિજેતાઓને સન્માનિત કરશે.
ઝાકિર ખાને પ્રિયંકા ચોપરાને અભિનંદન પાઠવ્યા
પોસ્ટ શેર કર્યા પછી પ્રિયંકાને ઇન્ડસ્ટ્રીના મિત્રો અને સાથી કલાકારોએ અભિનંદન પાઠવ્યા છે. કોમેન્ટ સેક્શન શુભેચ્છાઓથી ભરાઈ ગયું છે. અનેક લોકોએ હાર્ટ અને ફાયર ઇમોજી સાથે કોમેન્ટ કરી છે. ફેમસ સ્ટેન્ડઅપ કોમેડિયન ઝાકિર ખાને કોમેન્ટ કરી છે કે, “અભિનંદન. તમે ખરેખર હીરો છો.”
1929 માં ઓસ્કારની થઇ હતી શરૂઆત
પ્રથમ ઓસ્કાર એવોર્ડ ઇવેન્ટ 16 મે 1929ના રોજ યોજાઇ હતી. વર્ષ 1927માં એકેડેમી ઓફ મોશન પિક્ચર્સ આર્ટસ એન્ડ સાયન્સની બેઠકમાં પ્રથમ વખત ટ્રોફીની ડિઝાઇન પર ચર્ચા કરવામાં આવી હતી. આ દરમિયાન લોસ એન્જલસના ઘણા કલાકારોને તેમની ડિઝાઇન રજૂ કરવા માટે કહેવામાં આવ્યું હતું.
હંમેશા પ્રિયંકા તેની એક્ટિંગથી ફેન્સને ફિદા કરી દે છે. વર્કફ્રન્ટની વાત કરીએ તો પ્રિયંકા ચોપરા લેટેસ્ટમાં ‘વારાણસી’માં મહેશ બાબુ સાથે જોવા મળશે. ફિલ્મનો ફર્સ્ટ લુક થોડાં દિવસો પહેલાં રિલીઝ થયો હતો, જેમાં મહેશ બાબુ ‘રુદ્ર’ના રોલમાં બળદ પર બેઠેલાં જોવા મળ્યા હતા. આ ફિલ્મ દ્રારા પ્રિયંકા 7 વર્ષ પછી મહેશ બાબુ સાથે સ્ક્રીન શેર કરશે. આ એસએસ રાજમૌલીનો પ્રોજેક્ટ છે. આમ, આ મૂવીને લઇને ફેન્સ સુપર એક્સાઇટેડ છે.
