ટી20 વર્લ્ડ કપ 2026માં સૂર્યા પર ગ્રહણ લાગ્યું, ફાઈનલમાં પણ શૂન્ય પર આઉટ, જોઈ કેવું છે તેનું પ્રદર્શન

સૂર્યકુમાર યાદવ માટે આ વર્લ્ડ કપ કોઈ ખરાબ સપનાથી કમ નથી. જો આખી ટૂર્નામેન્ટના આંકડા પર નજર નાખીએ તો સૂર્યાનું ફોર્મ ટીમ ઈંડિયા માટે ચિંતાનો વિષય છે. આખી ટૂર્નામેન્ટમાં તેના બેટથી USA વિરુદ્ધ એક અડધી સદી (84 રન) આવ્યા. આ ઉપરાંત જ્યારે જ્યારે ટીમને તેની જરુર હતી, સૂર્યા મોટી ઈનિંગ્સ રમવામાં નિષ્ફળ રહ્યો.

એક તરફ સૂર્યકુમાર યાદવ આઈસીસી ટી20 રેન્કીંગમાં ટોપ પર છે, તો વળી બીજી તરફ મોટી ટૂર્નામેન્ટમાં નોકઆઉટ મેચોમાં તેનું પ્રદર્શન તેના કદ અનુરુપ નથી રહ્યું. સેમિફાઈનલમાં ઈંગ્લેન્ડ વિરુદ્ધ ખાલી 11 રન અને આજે ફાઈનલમાં શૂન્ય પર આઉટ થવું એ દર્શાવે છે કે સૂર્ય હાઈ પ્રેશર ગેમમાં પોતાની લય ભૂલી જાય છે. પાકિસ્તાન અને નેધરલેન્ડ જેવી ટીમો વિરુદ્ધ તેણે 30 રનનો આંકડો પાર કર્યો પણ પોતાની શરુઆતને મોટા સ્કોરમાં બદલવામાં નિષ્ફળ રહ્યો છે. એક ફિનિશર અને મધ્યક્રમના સૌથી વિસ્ફોટક બેટ્સમેન પાસેથી સતત નિરંતરતાની આશા કરવામાં આવે છે, તે આ આખા વર્લ્ડ કપમાં નિષ્ફળ રહ્યો છે.