જામનગરથી પગપાળા દ્વારકા પહોંચીને અનંત અંબાણી કરશે દ્વારકાધીશના દર્શન, “ભગવાન છે તો કોઈ ચિંતા નહીં કરવાની”

જન્મદિવસે દ્વારકાધીશના કરશે દર્શન

અનંતે જામનગરના મોટી ખાવડીથી પોતાની યાત્રા શરૂ કરી હતી અને તેમની સુરક્ષા અને સ્થાનિક પોલીસ સુરક્ષા હેઠળ દરરોજ રાત્રે 10-12 કિલોમીટરનું અંતર કાપે છે. તેઓ દ્વારકાધીશ મંદિરમાં પ્રાર્થના અને પ્રસાદ લઈને પોતાનો 30મો જન્મદિવસ ઉજવી શકે છે.

પાંચ દિવસથી રાતે 10થી 12 કિમી ચાલે છે

નોંધનીય છે કે, અનંત અંબાણી પગપાળા ચાલીને ભગવાન શ્રી દ્વારકાધીશના દર્શન કરવા માટે મોટી ખાવડી રિલાયન્સથી ચાલીને દ્વારકા જઈ રહ્યા છે. અનંત અંબાણી દરરોજ રાતે પોતાની સિક્યુરિટી અને સ્થાનિક પોલીસ બંદોબસ્ત વચ્ચે 10થી 12 કિમી ચાલે છે. જ્યારે રસ્તામાં આવતા મંદિરોના પણ ભાવપૂર્વક દર્શન કરી ધન્યતા અનુભવી રહ્યા છે. આજે અનંત અંબાણીની પદયાત્રાનો પાંચમો દિવસ છે. ત્યારે તેઓ 60 કિમી જેટલું અંતર કાપી ચૂક્યા છે. અનંતના જન્મદિવસે પોતે પગપાળા ચાલીને ભગવાન શ્રી દ્વારકાધીશના આશીર્વાદ પ્રાપ્ત કરી જન્મદિવસની ઉજવણી કરશે. વિશ્વનાથ વેદ સંસ્કૃત પાઠશાલા વડત્રા ખાતે અનંત અંબાણીનું ઋષિ કુમારો દ્વારા સંસ્કૃત શ્લોકથી સ્વાગત કરવામાં આવ્યું હતું.