આજથી CBSEની બોર્ડની પરીક્ષા, ગુજરાતમાં 75 હજાર વિદ્યાર્થીઓ આપશે પરીક્ષા, આ વખતે શું ખાસ ધ્યાન રાખવું?

રાજ્યમાં ધોરણ-10માં 45 હજારથી વધુ જ્યારે ધોરણ-12માં 35 હજારથી વધુ વિદ્યાર્થીઓ બોર્ડની પરીક્ષા આપી રહ્યા છે. ધોરણ-10ની પરીક્ષા 17 ફેબ્રુઆરીના રોજ શરૂ થશે અને 11 માર્ચના રોજ પૂર્ણ થશે. જ્યારે ધોરણ-12ની પરીક્ષા 17 ફેબ્રુઆરીથી શરૂ થશે અને 10 એપ્રિલના રોજ પૂર્ણ થશે.

અમદાવાદ શહેરની 85 શાળાઓમાંથી 8 હજારથી વધુ વિદ્યાર્થીઓ પરીક્ષા આપશે. આ વર્ષે પરીક્ષાર્થીઓની સંખ્યામાં નોંધપાત્ર વધારો નોંધાયો છે. પરીક્ષા સવારે 10:30 વાગ્યે શરૂ થશે અને વિદ્યાર્થીઓએ 10:00 વાગ્યા સુધી પરીક્ષા કેન્દ્ર પર પહોંચવાનું રહેશે. 10 વાગ્યા બાદ કેન્દ્રમાં પ્રવેશ આપવામાં આવશે નહીં.

દેશમાંથી ધોરણ 10 અને 12માં મળીને 46 લાખથી વધુ વિદ્યાર્થીઓ પરીક્ષા આપશે. ધોરણ 10 માટે કુલ 2508319 વિદ્યાર્થીઓએ નોંધણી કરાવી છે. જેમાં 1408546 વિદ્યાર્થી અને 1099773 વિદ્યાર્થિનીઓ સામેલ છે. ધોરણ 10 માટે પરીક્ષા માટે 8075 પરીક્ષા કેન્દ્રો બનાવવામાં આવ્યા છે. ધોરણ 12 માટે કુલ 1859551 વિદ્યાર્થીઓ નોંધાયેલા છે. જેમાં 1027552 વિદ્યાર્થી અને 831999 વિદ્યાર્થિઓ છે. ધોરણ 12ની પરીક્ષા માટે 7574 પરીક્ષા કેન્દ્રો સ્થાપિત કરવામાં આવ્યા છે.

– તમારી બેઠક લેતા પહેલા, કોઈપણ ગુમ થયેલ પેપર્સ અથવા સ્લિપ્સ માટે તમારી આસપાસ તપાસ કરો. જો તમને કોઈ મળે, તો તરત જ પરીક્ષકને જાણ કરો.

– તમારી ઉત્તરવહી પ્રાપ્ત કર્યા પછી પહેલા તેને તપાસો. ઉત્તરવહી ફાટેલી ન હોવી જોઈએ.

– OMR શીટ પર તમારો રોલ નંબર, વિષય કોડ અને અન્ય જરૂરી વિગતો કાળજીપૂર્વક ભરો.

– જો તમને કોઈ સમસ્યા આવે, તો તમારો હાથ ઊંચો કરો અને અવાજ કર્યા વિના પરીક્ષકને જાણ કરો.

– પરીક્ષાનો સમય પૂરો થાય તે પહેલાં તમારી બેઠક છોડશો નહીં.