HJTIHH Trailer : વરુણ ધવનની મોસ્ટ અવેટેડ ફિલ્મોમાંથી એક ‘હૈ જવાની તો ઇશ્ક હોના હૈ’ લાંબા સમયથી ચર્ચામાં છે. મેકર્સ આ ફિલ્મનું ટ્રેલર 22 મે ના રોજ રિલીઝ કરવાના હતા પરંતુ કેટલીક ટેકનિકલી ખામીઓને કારણે તેને રદ કરવામાં આવ્યું હતું. આ પછી તેનું ટ્રેલર આજે 23 મે ના રોજ રિલિઝ કરવામાં આવ્યું છે, જે કોમેડીથી ભરપૂર છે. આ ફિલ્મમાં વરુણ ધવનની સાથે પૂજા હેગડે અને મૃણાલ ઠાકુર પણ મુખ્ય ભૂમિકામાં છે.
ફિલ્મમાં કોમેડી ઉપરાંત ટ્વિસ્ટ અને કન્ફ્યુઝનનો પણ જબરદસ્ત ડોઝ મળવાનો છે. ‘હૈ જવાની તો ઇશ્ક હોના હૈ’નું ટ્રેલર જોયા બાદ કેટલાક લોકોએ તેને હિટ ગણાવ્યું છે, જ્યારે કેટલાક કહી રહ્યા છે કે આ અક્ષય કુમારની ફિલ્મ ‘ગરમ મસાલા’નું અપડેટેડ વર્ઝન લાગે છે.
ટ્રેલરમાં શું છે
3 મિનિટ 15 સેકન્ડના ટ્રેલરની શરૂઆત વરુણ ધવન અને મૃણાલ ઠાકુરથી થાય છે. આ ફિલ્મમાં મૃણાલે અભિનેતાની પત્નીની ભૂમિકા ભજવી છે. આ પછી બંને કોર્ટમાં પહોંચે છે, જ્યાં ખબર પડે છે કે વરુણ ધવન પિતા બનવા માંગે છે, પરંતુ મૃણાલ તૈયાર નથી. બીજી તરફ અભિનેતા પૂજા હેગડેને મળે છે અને બંને વચ્ચે અફેર શરૂ થાય છે.
વરુણને ઝટતો ત્યારે લાગે છે જ્યારે તેને ખબર પડે છે કે મૃણાલ અને પૂજા બંને પ્રેગ્નેટ છે. આ પછી ટ્વિસ્ટ અને ટર્ન્સ જોવા મળે છે. ‘હૈ જવાની તો ઇશ્ક હોના હૈ’નું ટ્રેલર જોયા બાદ લોકોએ તેના પર પોતાની કોમેન્ટ કરી રહ્યા છે. એક યુઝર્સે લખ્યું કે બ્લોકબસ્ટર લોડિંગ. બીજાએ કહ્યું કે જૂનો વરુણ પાછો આવી રહ્યો છે. ત્રીજાએ કહ્યું કે મૌની રોયના પ્રવેશની એન્ટ્રીની અપેક્ષા ન હતી.
‘ધુરંધર’ નો OTT ક્લેશ, નેટફ્લિક્સ-જિયોહોટસ્ટાર પર એક સાથે રિલીઝ થશે રો એન્ડ અનદેખા
‘હૈ જવાની તો ઇશ્ક હોના હૈ’ની કાસ્ટ
હૈ જવાની તો ઇશ્ક હોના હૈ’ 5 જૂને થિયેટરોમાં રિલીઝ થવાની છે. આ ફિલ્મમાં વરુણ ધવન, પૂજા હેગડે અને મૃણાલ ઠાકુર ઉપરાંત મૌની રોય, રાકેશ બેદી, અલી અસગર, ચંકી પાંડે, કુબ્રા સૈત, મનીષ પોલ અને જિમી શેરગિલ સહિતના ઘણા સ્ટાર્સ જોવા મળવાના છે. આ ફિલ્મનું દિગ્દર્શન ડેવિડ ધવને કર્યું છે.
