સુરત: રાંદેરમાં ભાઈએ ભાઈની કરી હત્યા, ગણતરીના કલાકોમાં આરોપી ઝડપાયો

ત્યારબાદ બંને ભાઈઓ વચ્ચે પણ ઉગ્ર બોલાચાલી શરૂ થઈ ગઈ હતી. ઝઘડો વધુ ઉગ્ર બનતા આરોપીએ ઘરમાં પડેલું રોજિંદા વપરાશનું ચપ્પુ લઈને સુલતાન અહેમદ પર હુમલો કર્યો હતો. આરોપીએ તેની ડાબી છાતીના ભાગે બે ઘા ઝીંકતા સુલતાન ગંભીર રીતે ઘાયલ થયો હતો. પરિજનો દ્વારા તેને તાત્કાલિક સારવાર માટે હોસ્પિટલ ખસેડવામાં આવ્યો હતો, પરંતુ ફરજ પરના ડોક્ટરે તેને મૃત જાહેર કર્યો હતો. ઘટનાની જાણ થતાં જ રાંદેર પોલીસ ઘટના સ્થળે પહોંચી તપાસ શરૂ કરી હતી. પોલીસ દ્વારા મૃતદેહને પોસ્ટમોર્ટમ માટે ખસેડવામાં આવ્યો છે અને ત્યારબાદ તેને પરિજનોને સોંપવામાં આવશે.

આ મામલે રાંદેર પોલીસ સ્ટેશનમાં ભારતીય ન્યાય સંહિતા 2023ની કલમ 103(1), 115(2), 352 તેમજ જી.પી. એક્ટની કલમ 135 હેઠળ ગુનો નોંધવામાં આવ્યો છે. ઘટના બાદ આરોપી મહારાષ્ટ્રના માલેગાંવ તરફ ભાગી જવાની તૈયારીમાં હતો અને તેણે થેલામાં કપડા પણ પેક કરી લીધા હતા. પરંતુ રાંદેર પોલીસ સ્ટેશનની સર્વેલન્સ ટીમે ઝડપી કામગીરી કરતા આરોપીનો પત્તો મેળવી તેને ડિટેન કર્યો હતો. ત્યારબાદ મૃતકની માતા નઝમાબાનું ઇફ્તખાર મોહમ્મદ શેખની ફરિયાદના આધારે આરોપી સામે કાયદેસરની કાર્યવાહી હાથ ધરવામાં આવી છે.