ભારત મેચ તો જીતી ગયું, પરંતુ શિવમ દુબેએ કર્યું એવું શરમજનક કામ કે આખી દુનિયામાં ફજેતી થઈ ગઈ

માત્ર એટલું જ નહીં, જ્યારે શિવમ પોતાની પહેલી ઓવર ફેંકવા આવ્યો ત્યારે તેને એક ઓવર પૂરી કરવા માટે 11 બોલ ફેંક્યા. જો શિવમે વધુ એક વાઈડ કે નો-બોલ ફેંક્યો હોત તો તેની ઓવરમાં 12 બોલ થઈ જાત. શિવમે પોતાની પહેલી ઓવરમાં કુલ 26 રન આપી દીધા. ઇનિંગની 15મી ઓવર ફેંકવા આવેલા શિવમે પહેલા 4 બોલમાં જ 16 રન આપી દીધા હતા. આવી સ્થિતિમાં વધુ ધોલાઈથી બચવા માટે તેણે 3 વાઈડ અને 1 નો-બોલ ફેંક્યો. જેમ તેમ કરીને તેણે ઓવર પૂરી કરવા માટે છેલ્લો બોલ ફેંક્યો, જેમાં પણ એક છગ્ગો આવ્યો. આમ, શિવમે પોતાની પહેલી જ ઓવરમાં 26 રન આપી દીધા.

પહેલી ઓવરમાં પિટાઈ થયા પછી પણ કેપ્ટને શિવમને છેલ્લી ઓવર ફેંકવા માટે મોકલ્યો. જોકે, મેચ સંપૂર્ણ રીતે ટીમ ઈન્ડિયાના પક્ષમાં હતી, પણ શિવમ દુબે પોતાના સ્પેલની બીજી ઓવરમાં પણ લાઇન-લેન્થ પર કંટ્રોલ રાખી શક્યો નહીં. શિવમ દુબે પોતાની બીજી ઓવરમાં પણ 20 રન આપી દીધા. આ ઓવર પૂરો કરવા માટે તેણે કુલ 8 બોલ ફેંક્યા.

શિવમને છેલ્લી ઓવરમાં ઝિમ્બાબ્વેના બેટ્સમેનોએ 2 છગ્ગા અને 1 ચૌગ્ગો ફટકાર્યો. એ ઓવરમાં શિવમે 1 વાઈડ અને 1 નો-બોલ પણ ફેંક્યો. જોકે, તેની કિસ્મત સારી રહી કે તેના ખાતામાં 1 વિકેટ આવી ગઈ, પણ એમાં સંજુ સેમસનની ભૂમિકા શિવમ કરતા ઘણી મોટી હતી, કારણ કે સંજુએ વિકેટ પાછળથી શાનદાર કેચ પકડ્યો હતો.