ગ્લોબલ સ્ટાર બનાવવાની તૈયારીમાં કંગના રનૌત, હોલીવુડમાંથી મળી અનેક ઓફર્સ, બોલીવૂડ ક્વીને પોતે કર્યું કન્ફર્મ

રાઇઝિંગ ભારત સમિટ 2026માં કંગના રનૌતે કહ્યું, મારી પાસે કેટલીક ઓફર્સ તો છે, પરંતુ હું પોતાની સુવિધા અને રસ અનુસાર તેના પર નિર્ણય લઈશ. કંગના રનૌતના હોલીવુડ ડેબ્યૂને લઈને છેલ્લા ઘણા સમયથી ચર્ચાઓ ચાલી રહી છે. પહેલા સમાચાર આવ્યાં હતા કે, તે હોરર-ડ્રામા ફિલ્મ ‘બ્લેસ્ડ બી ધ ઇવિલ’ની સાથે ઇન્ટરનેશનલ લેવલ પર ડેબ્યૂ કરવા જઈ રહી છે. ફિલ્મની કહાની એક એવા ઈસાઈ કપલની આસપાસ ફરે છે, જે એક દુખદ દુર્ઘટના પછી એક જૂનું ફાર્મ હાઉસ ખરીદે છે, જેનો ભૂતકાળ ખૂબ જ ખૌફનાક હોય છે.

હાલમાં, ફિલ્મની શૂટિંગ અંગે કોઈ સ્પષ્ટ માહિતી બહાર આવી નથી, જેના કારણે એવી અટકળો ચાલી રહી હતી કે કંગના આ પ્રોજેક્ટમાંથી બહાર થઈ ગઈ છે. જોકે, હવે કંગનાએ પોતે કન્ફર્મ કર્યું છે કે હાલમાં તેની પાસે ઘણા હોલિવૂડ પ્રોજેક્ટ્સ છે, પણ તેણે હજુ સુધી સ્પષ્ટ કર્યું નથી કે આ ઓફર્સમાં ‘Blessed Be The Evil’ સામેલ છે કે નહીં. કંગનાના હોલિવૂડ ડેબ્યૂના આ સમાચારથી તેમના ફેન્સ થોડા નવાઈ પણ પામ્યા છે, કારણ કે એક્ટ્રેસે અગાઉ અનેક વખત જાહેર મંચ પર કહ્યું છે કે ભારતમાં અમેરિકન અને અંગ્રેજી ફિલ્મોને પ્રોત્સાહન આપવું જોઈએ નહીં.

રસપ્રદ વાત એ છે કે હવે કંગનાએ પોતે હોલિવૂડ ઓફર્સ મળવાની વાત સ્વીકારી છે, જેના કારણે તેમના ચાહકોમાં ભારે ઉત્સાહ જોવા મળી રહ્યો છે. દરેક જણ જોઈ રહ્યું છે કે શું કંગના પણ પ્રિયંકા ચોપરા, દીપિકા પાદુકોણ, ઇરફાન ખાન, અનિલ કપૂર અને અનુપમ ખેર જેવી હસ્તીઓની યાદીમાં સામેલ થઈને આંતરરાષ્ટ્રીય સ્તરે પોતાનું નામ બનાવશે.