WTC 2026 Factors Desk: એકસરખા અંક હોવા છતાં પોઇન્ટ ટેબલમાં ટોપ પર પહોંચ્યું ભારત, પાકિસ્તાનને આપી ધોબી પછાડ

આઈસીસી ટી20 વિશ્વ કપ 2026ના પોઇન્ટ્સ ટેબલમાં ઘણા મોટા ફેરફારો જોવા મળી રહ્યા છે. સૌપ્રથમ ગ્રુપ Aની વાત કરીએ તો તેમાં ટીમ ઈન્ડિયા ટોચ પર છે. ભારતીય ટીમે બે મેચ રમીને બન્નેમાં જીત મેળવી છે. તેથી તેના ચાર અંક થયા છે. ભારતની બન્ને જીત મોટી હોવાને કારણે તેની નેટ રન રેટ પણ ઝડપથી વધી છે. હાલ ટીમનો નેટ રન રેટ 3.050 છે.

પાકિસ્તાનની વાત કરીએ તો તેણે પણ બે મેચ રમીને બન્નેમાં જીત મેળવી છે. તેના પણ ચાર અંક છે, પરંતુ નેટ રન રેટ ભારતની સરખામણીએ ઘણી ઓછી છે. ભારતની નેટ રન રેટ 3.050 છે, જ્યારે પાકિસ્તાનનો નેટ રન રેટ 0.932 છે. એટલે અંક સમાન હોવા છતાં ભારત નેટ રન રેટમાં પાકિસ્તાનથી આગળ છે. આ ગ્રુપમાં ત્રીજા ક્રમે નેધરલેન્ડ્સ છે, જેણે બેમાંથી એક મેચ જીતી છે અને તેના બે અંક છે. યુએસએ અને નામીબિયાનું ખાતું હજી ખુલ્યું નથી.

હવે ગ્રુપ C પર નજર કરીએ. અહીં વેસ્ટ ઇન્ડિઝ ટીમ પ્રથમ સ્થાને છે. તેણે બે મેચ રમીને બન્નેમાં જીત મેળવી છે. બીજા સ્થાને સ્કોટલેન્ડ છે, જેણે બેમાંથી એક મેચ જીતી છે અને તેના બે અંક છે. આ દરમિયાન ઇટાલીએ નેપાળને હરાવી ઇંગ્લેન્ડને પાછળ છોડ્યું છે અને ત્રીજા સ્થાને પહોંચી ગયું છે. ઇટાલીએ બેમાંથી એક મેચ જીતી છે અને તેની નેટ રન રેટ પણ સારી થઈ છે. ઇંગ્લેન્ડે પણ બે મેચ રમી છે, જેમાં એક જીત અને એક હાર મેળવી છે, જેના કારણે ટીમ હાલ દબાણમાં છે. નેપાળનું હજી સુધી ખાતું ખુલ્યું નથી.

ભારતીય ટીમનો આગામી મેચ 15 ફેબ્રુઆરીએ પાકિસ્તાન સામે રમાશે. આ મેચ કોલંબોમાં યોજાશે. જો ટીમ ઈન્ડિયા આ મેચ જીતે તો તે સુપર 8માં પોતાનું સ્થાન પાક્કું કરી લેશે. પાકિસ્તાન અને ભારત હાઇવોલ્ટેજ મેચ રવિવારે સાંજે સાત વાગ્યે રમાશે.