North Korea Supreme Chief kim jong UN : ઈઝરાયલ ઇરાન યુદ્ધથી પરેશાન સમગ્ર વિશ્વ માટે વધુ એક ચિંતાજનક સમાચાર આવ્યા છે. કિમ જોંગ ઉન તેમની કિશોરવયની પુત્રી સાથે મળીને અનેક રોકેટ લોન્ચ સિસ્ટમના લાઇવ ફાયર પરીક્ષણો નિહાળ્યું હતું. સરકારી મીડિયાએ રવિવારે આ માહિતી આપી હતી. તેને યુએસ અને દક્ષિણ કોરિયાની ચાલી રહેલી સૈન્ય તાલીમના સંભવિત પ્રતિસાદ તરીકે જોવામાં આવી રહ્યું છે. ઉત્તર કોરિયાએ તાજેતરમાં જ અમેરિકા અને દક્ષિણ કોરિયાની સંયુક્ત સૈન્ય કવાયતનો જવાબી કાર્યવાહી કરવાની ધમકી આપી હતી.
અમેરિકા અને દક્ષિણ કોરિયા વચ્ચે ‘ફ્રીડમ શિલ્ડ’ સૈન્ય કવાયત ચાલુ છે. ઉત્તર કોરિયા બંને દેશોની સંયુક્ત સૈન્ય કવાયતને પોતાના પર આક્રમણની તૈયારી ગણાવી રહ્યું છે. ઉત્તર કોરિયાની સરકારી સમાચાર એજન્સી કોરિયન સેન્ટ્રલ ન્યૂઝ એજન્સી (કેસીએનએ)એ અહેવાલ આપ્યો છે કે કિમે શનિવારે દેશના પૂર્વ કિનારે કવાયત જોઈ હતી. આ પરીક્ષણમાં બાર 600 મીમીના રોકેટ લોન્ચરનો સમાવેશ થતો હતો, જેણે સમુદ્ર તરફ દારૂગોળા છોડ્યા હતા.
દક્ષિણ કોરિયાએ ઉશ્કેરણી કરી
દક્ષિણ કોરિયાની સેનાએ જણાવ્યું હતું કે તેણે ઉત્તર કોરિયાની રાજધાનીથી પૂર્વ સમુદ્ર તરફ છોડવામાં આવેલી લગભગ 10 બેલેસ્ટિક મિસાઇલો શોધી કાઢી છે. દક્ષિણ કોરિયાની રાષ્ટ્રીય સુરક્ષા પરિષદે આ પ્રક્ષેપણોને ઉશ્કેરણી ગણાવી હતી અને કહ્યું હતું કે તે યુએન સુરક્ષા પરિષદના ઠરાવોનું ઉલ્લંઘન છે જે ઉત્તર કોરિયા દ્વારા બેલિસ્ટિક મિસાઇલ પ્રવૃત્તિઓ પર પ્રતિબંધ મૂકે છે.
કેસીએનએ એ કિમ જોગને ટાંકીને કહ્યું હતું કે આ કવાયત 420 કિલોમીટર (260 માઇલ) ની રેન્જમાં આવતા દુશ્મનોને પરેશાન કરશે. એટલું જ નહીં, કિમે કહ્યું, “તેમને વ્યૂહાત્મક પરમાણુ શસ્ત્રોની વિનાશક શક્તિની ઊંડી સમજ કરાવશે.” તે સંભવતઃ દક્ષિણ કોરિયા અને દક્ષિણ કોરિયામાં તૈનાત અમેરિકન સૈનિકોનો ઉલ્લેખ કરી રહ્યો હતો.
કિમ જોંગ ઉન સાથે તેમની પુત્રી પણ જોવા મળી
સરકારી મીડિયા દ્વારા જાહેર કરવામાં આવેલા ફોટોગ્રાફ્સમાં કિમ જોગ મોટા લોન્ચ ટ્રકની નજીક ઉભા છે અને રોકેટ છોડતા જોઈ રહ્યા છે. તેમની પુત્રી કિમ જૂ એ, પણ તેમની બાજુમાં ચાલતી અને મિસાઇલ પરીક્ષણનું નિરીક્ષણ કરતી દેખાઈ હતી. કિમ જોંગ ઉનની પુત્રી કિમ જૂ આઈની ઉંમર લગભગ 13 વર્ષ હોવાનું કહેવાય છે અને 2022 ના અંતથી, તે તેના પિતા સાથે અસંખ્ય મિસાઇલ પરીક્ષણો, લશ્કરી પરેડ અને અન્ય જાહેર કાર્યક્રમોમાં દેખાઈ છે. દક્ષિણ કોરિયાની જાસૂસી એજન્સીએ ગયા મહિને અનુમાન લગાવ્યું હતું કે કિમ જોંગ ઉન તેમની પુત્રીને તેમના અનુગામી તરીકે જાહેર કરી શકે છે.
આ પણ વાંચો | હોર્મુઝ સ્ટ્રેટ માંથી ઓઇલ ગેસ ભરેલા બે ભારતીય જહાજ સુરક્ષિત પસાર, ગુજરાત બંદરે આવશે, હજી પણ 22 જહાજ ફસાયેલા
કિમ જોંગ ઉનની દક્ષિણ કોરિયાને પરમાણુ ધમકી
ઉત્તર કોરિયાના નેતા કિમ જોંગ ઉને દાવો કર્યો છે કે જો તેમના દેશની સુરક્ષા પર ખતરો આવે તો તેમનો પરમાણુ દેશ દક્ષિણ કોરિયાને સંપૂર્ણ રીતે નષ્ટ કરી શકે છે. સરકારી મીડિયાના જણાવ્યા અનુસાર, તેણે ફરી એકવાર સિઓલ સાથે વાટાઘાટો કરવાનો ઇનકાર કર્યો હતો. સરકારી મીડિયા એજન્સીએ ગુરુવારે (26 ફેબ્રુઆરી 2026) આ માહિતી આપી હતી.
