ભારત પાસે ક્રૂડ ઓઈલનો સ્ટોક છે – કેન્દ્ર સરકારે જણાવ્યું છે કે, હજુ ભારત પાસે ક્રૂડ ઓઈલનો પૂરતો સ્ટોક છે, તેથી હાલમાં ચિંતાની કોઈ વાત નથી. ઉપરની સ્થિતિમાં પણ સરકાર પાસે બે રસ્તા હશે. કાં તો એક્સાઇઝ ડ્યુટી ઘટાડીને જનતાને રાહત આપે, અથવા કિંમતોને બજારના હવાલે છોડી દે. જો કે, યુદ્ધની અનિશ્ચિતતાને જોતાં સરકાર હાલ ‘વેઇટ એન્ડ વોચ’ની સ્થિતિમાં છે. હાલમાં દિલ્હી અને મુંબઈ જેવા શહેરોમાં પેટ્રોલ-ડીઝલના ભાવ સ્થિર છે, પરંતુ જો મધ્ય પૂર્વનું યુદ્ધ વધુ લાંબું ચાલે, તો ભારતીયોને પેટ્રોલ-ડીઝલની કિંમતોમાં થોડો ઝટકો લાગી શકે છે.
