Final Up to date:
ચૂંટણી પંચ તરફથી કોર્ટમાં હાજર થયેલા વકીલ સિદ્ધાર્થ પ્રસાદે આ મામલા વિશે જાણકારી આપી છે. તેમણે જણાવ્યું છે કે આ ચૂંટણી અરજી હારનારા ઉમેદવારોએ દાખલ કરી છે અને પ્રતિવાદીઓને નોટિસ જાહેર કરવામાં આવી છે.
પટના: બિહારના રાજકારણ સાથે જોડાયેલા એક મોટા સમાચાર સામે આવી રહ્યા છે. જાણકારી અનુસાર, પટના હાઈકોર્ટ તરફથી બિહારના સત્તા પક્ષ અને વિપક્ષના 42 ધારાસભ્યોને નોટિસ જાહેર કરવામાં આવી છે. હાઈકોર્ટ તરફથી જે મુખ્ય નેતાઓને નોટિસ જાહેર કરવામાં આવી છે, જેમાં બિહાર વિધાનસભાના અધ્યક્ષ પ્રેમ કુમાર, રાજ્યના ઊર્જા મંત્રી વિજેન્દ્ર યાદવ, પૂર્વ મંત્રી જીવેશ મિશ્રા, ધારાસભ્ય ચેતન આનંદ અને ગોહથી રાજદના ધારાસભ્ય અમરેન્દ્ર પ્રસાદ સહિત અન્ય ધારાસભ્યો સામેલ છે.
પટના હાઈકોર્ટ દ્વારા જે ધારાસભ્યોને નોટિસ આપી છે, તેમના પર વોટ ચોરી અને ચૂંટણી એફિડેવિટમાં ખોટી જાણકારી આપવાનો આરોપ લગાવ્યો છે. જાણકારી અનુસાર, સંબંધિત વિધાનસભા વિસ્તારમાં ચૂંટણી હારનારા ઉમેદવારોએ જીતેલા ધારાસભ્યો વિરુદ્ધ હાઈકોર્ટમાં અરજી દાખલ કરી હતી. જેના પર પટના હાઈકોર્ટે તમામ જીતેલા ધારાસભ્યોને નોટિસ જાહેર કરી જવાબ માગ્યો છે.
અરજીકર્તાએ આરોપ લગાવ્યો છે કે ચૂંટણી પ્રક્રિયામાં અનિયમિતતા વર્તવામાં આવી અને નામાંકનના સમયે દાખલ કરવામાં આવેલા શપથપત્રોમાં તથ્યો છુપાવવામાં અથવા ખોટી જાણકારી આપવામાં આવી છે. આ અરજીઓ પર પ્રાથમિક સુનાવણી કરતા પટના હાઈકોર્ટે તમામ સંબંધિત ધારાસભ્યોને નોટિસ જાહેર કરી નિર્ધારિત સમયની અંદર જવાબ આપવા કહેવાયું છે. હવે આગામી સુનાવણી કોર્ટ સંબંધિત પક્ષોના જવાબ અને પૂરાવાના આધાર પર થશે.
પીટીઆઈના જણાવ્યા અનુસાર, ચૂંટણી પંચ તરફથી કોર્ટમાં હાજર થયેલા વકીલ સિદ્ધાર્થ પ્રસાદે આ મામલા વિશે જાણકારી આપી છે. તેમણે જણાવ્યું છે કે આ ચૂંટણી અરજી હારનારા ઉમેદવારોએ દાખલ કરી છે અને પ્રતિવાદીઓને નોટિસ જાહેર કરવામાં આવી છે. વકીલે જણાવ્યું કે, મોટા ભાગે કોઈ પણ ચૂંટણી અરજી ડાયરેક્ટ નથી થતી. પ્રતિવાદીઓને નોટિસ જાહેર કરવામાં આવે છે અને ઉપલબ્ધ સામગ્રીની તપાસ બાદ કોર્ટ તરફથી આદેશ પાસ કરવામાં આવે છે. વકીલે આગળ જણાવ્યું છે કે કોર્ટમાં દાખલ કરવામાં આવેલી મોટા ભાગની અરજી વિજયી ઉમેદવારો તરફથી આપવામાં આવેલા એફિડેવિટમાં કથિત ગરબડ અથવા જન પ્રતિનિધિત્વ અધિનિયમની જોગવાઈઓના ઉલ્લંઘનના આરોપના આધાર પર દાખલ કરવામાં આવી છે.
