Final Up to date:
સાંસદ બ્રેડ શેરમેને બુધવારે સોશિયલ મીડિયા પર લખ્યું- રાષ્ટ્રપતિ ટ્રમ્પ ભારત પર બહુ વધારે ટેક્સ લગાવવાના બહાના શોધી રહ્યા છે.
ન્યૂયોર્ક: અમેરિકાના એક સિનિયર સાંસદે કહ્યું કે, રાષ્ટ્રપતિ ડોનાલ્ડ ટ્રમ્પ રશિયા પાસેથી ઓઈલ ખરીદવા માટે ભારત પર બહુ વધારે ટેક્સ લગાવવાના બહાના શોધી રહ્યા છે અને તેમણે ટ્રમ્પને આ નીતિને તરત પાછી લેવાની અપીલ કરી છે. સાંસદ બ્રેડ શેરમેને બુધવારે સોશિયલ મીડિયા પર લખ્યું- રાષ્ટ્રપતિ ટ્રમ્પ ભારત પર બહુ વધારે ટેક્સ લગાવવાના બહાના શોધી રહ્યા છે. પ્રતિનિધિ સભાના વિદેશ મામલા અને નાણાકીય સેવા સમિતિના વરિષ્ઠ સભ્ય શેરમેને કહ્યું કે ટ્રમ્પનો દાવો છે કે ભારત પર રશિયન ઓઈલની આયાત માટે ટેક્સ લગાવ્યો હતો.
તેમણે કહ્યું કે, હંગેરી રશિયા પાસેથી ક્રૂડ ઓઈલનો 90 ટકા આયાત કરે છે, પણ તેના પર કોઈ ટેક્સ નથી. ચીન રશિયાનો સૌથી મોટો ઓઈલ ખરીદદાર છે. તેમના પર રશિયન ઓઈલ ખરીદ સાથે જોડાયેલા પ્રતિબંધો નથી લગાવ્યા. જો કે તેમના પર બીજા કારણોથી કાર્યવાહી કરી છે. શેરમેને કહ્યું કે, ભારત રશિયા પાસેથી ક્રૂડ ઓઈલનો ખાલી 21 ટકા જ ખરીદે છે, પણ આપણા સહયોગીને ટાર્ગેટ બનાવ્યા. રાષ્ટ્રપતિને આ નીતિ તરત બદલવી જોઈએ. અમેરિકા અને ભારતે આ મહિનાની શરૂઆતમાં ઘોષણા કરી હતી કે તેમની વચ્ચે વેપાર સાથે જોડાયેલી એક વચગાળાની ડિલ થઈ ગઈ છે.
તેની સાથે જ ટ્રમ્પે એક આદેશ જાહેર કરી રશિયા પાસેથી ઓઈલ ખરીદવા પર ભારત પર લગાવેલા 25 ટકા દંડાત્મક ટેક્સ હટાવી દીધો. અમેરિકી રાષ્ટ્રપતિ ટ્રમ્પે ભારતની આ વાતનો ઉલ્લેખ કર્યો કે તે રશિયા પાસેથી પ્રત્યક્ષ અથવા પરોક્ષ રીતે ઓઈલની આયાત બંધ કરશે અને અમેરિકી ઊર્જા પ્રોડક્ટ ખરીદશે. આ વેપાર ડિલ અંતર્ગત, અમેરિકા ભારત પર ટેક્સના દર 25 ટકા ઘટાડીને 18 ટકા કરશે. હકીકતમાં અમેરિકા આરોપ લગાવે છે કે રશિયા ઓઈલના વેચાણથી પુતિનને યુદ્ધ લડવામાં મદદ મળે છે. જો કે આ સ્પષ્ટ થઈ ચૂક્યું છે કે અમેરિકા ખુદ પોતાની ઊર્જા જરૂરિયાતોને રશિયા પાસેથી પૂરી કરે છે.
