ICC આગળ પાકિસ્તાન ઝુક્યું: ભારત સાથે મેચ રમવા પર તેવર બદલાયા, વાતચીત માટે રાજી થયા

તેના જવાબમાં આઈસીસીએ પીસીબીને પૂછ્યું કે, તે અસાધારણ પરિસ્થિતિઓ અંતર્ગત કેવી સ્થિતિનો હવાલો આપી રહ્યા છે. સાથે જ આઈસીસીએ એવું પણ સ્પષ્ટ કર્યું કે મેચમાંથી હટવા પર કાનૂની પરિણામ અને સંભવિત પ્રતિબંધોનો સામનો કરવો પડી શકે છે. હવે તાજેતરના ઘટનાક્રમમાં પીસીબીએ આઈસીસીને આ સમગ્ર મુદ્દે સમાધાન કરવા માટે સંવાદનો રસ્તો અપનાવવાની પહેલ કરી છે, જેથી ભારત-પાકિસ્તાન મેચને લઈને ઊભા થયેલા વિવાદનું સમાધાન કાઢી શકાય.

પાકિસ્તાન ક્રિકેટ બોર્ડે પોતાની સરકારના નિર્દેશનો હવાલો આપતા 15 ફેબ્રુઆરીના રોજ ભારત વિરુદ્ધ ગ્રુપ મેચ માટે મેદાનમાં નહીં ઉતરવાની વાત કહી હતી અને તેને અસાધારણ પરિસ્થિતિઓ અંતર્ગત રજૂ કરી. તેના જવાબમાં આઈસીસીએ નિયમો અનુસાર, પીસીબીને પૂછ્યું કે, તેમણે કઈ પરિસ્થિતિઓમાં આ નિર્ણય લીધો અને આ સ્થિતિને ઘટાડવા માટે શું પગલાં ઉઠાવી શકાય.

આઈસીસી હાલમાં પીસીબી સાથે વાતચીત કરી રહ્યું છે,જેથી આ મામલાનું સમાધાન કાઢી શકાય. આઈસીસીનું માનવું છે કે ખેલના હિતને કોઈ એકતરફી કાર્યવાહીથી ઉપર રાખવું જોઈએ. ફોર્સ મેઝ્યોર એક કાનૂની જોગવાઈ છે. જે કોઈ પક્ષને અસાધારણ પરિસ્થિતિઓમાં પોતાની જવાબદારીથી હટવાની છૂટ આપે છે. તેમાં યુદ્ધ, પ્રાકૃતિક આપદા, સરકારી આદેશ અથવા સાર્વજનિક આપાતકાલ જેવી સ્થિતિઓ સામેલ છે. તેનો ઉપયોગ ત્યારે માન્ય થાય છે, જ્યારે પ્રભાવિત પક્ષ સાબિત કરે કે ઘટના અનપેક્ષિત અપરિહાર્ય હતી અને તેણે તમામ શક્ય પ્રયાસ કર્યા, જેથી નુકસાનને ઓછું કરી શકાય.

તેના માટે ખાલી અસુવિધા અથવા રાજનીતિક પસંદ પૂરતી નથી હોતી. પાકિસ્તાન સરકારે પહેલા જાહેરાત કરી હતી કે ટીમ ખાલી ભારત વિરુદ્ધ મેચ નહીં રમે, જેથી બાંગ્લાદેશને સમર્થન કરી શકાય. બાંગ્લાદેશે ભારતમાં સુરક્ષાના કારણે રમવાની ના પાડી હતી. પાકિસ્તાન ભારત ઉપરાંત બાકી મેચ રમશે. આઈસીસીએ પીસીબીને પૂછ્યું કે તેમણે મેચ નહીં રમવાનો નિર્ણય કરતા પહેલા સ્થિતિને સંભાળવા માટે શું પગલા ઉઠાવ્યા. તેના માટે વિકલ્પ શોધ્યા અથવા છૂટ માગી?