આ ઉપરાંત 16 અને 17 ફેબ્રુઆરીએ પંજાબ, હરિયાણા અને ચંદીગઢમાં વાવાઝોડા સાથે હળવો વરસાદ થવાની સંભાવના છે. વધુમાં, 11 ફેબ્રુઆરીએ લક્ષદ્વીપમાં હળવોથી મધ્યમ વરસાદ થવાની સંભાવના છે, જ્યારે 13 ફેબ્રુઆરીએ ઉત્તરી તમિલનાડુ અને પુડુચેરીમાં વરસાદની સંભાવના છે. હવામાન વિભાગે ખેડૂતો અને નાગરિકોને ખાસ કરીને વીજળી અને ભારે પવનની સંભાવના ધરાવતા વિસ્તારોમાં સતર્ક રહેવાની સલાહ આપી છે. તાપમાનની આગાહીમાં જણાવાયું છે કે, ઉત્તર પશ્ચિમ ભારતમાં લઘુત્તમ તાપમાન આગામી 48 કલાક સુધી યથાવત રહેશે, પરંતુ આગામી પાંચ દિવસમાં ધીમે ધીમે બેથી ત્રણ ડિગ્રી સેલ્સિયસ વધી શકે છે. દેશના અન્ય ભાગોમાં હાલમાં લઘુત્તમ તાપમાનમાં કોઈ નોંધપાત્ર ફેરફાર થવાની અપેક્ષા નથી.
