હું ગાંધીવાદી છું, નહેરુવાદી છું, પણ રાહુલવાદી નથી: મણિશંકર અય્યરે કર્યા આકરા પ્રહાર

અય્યરે કેરળના મુખ્યમંત્રી પિનારાઈ વિજયનના ખૂબ વખાણ કર્યા અને ભવિષ્યવાણી કરી કે આગામી ચૂંટણીમાં ફરીથી ડાબેરી સરકાર જ સત્તામાં આવશે. તેમણે એવું પણ કહ્યું કે હું વિજયનના ચરણોમાં પડવા તૈયાર છું અને તેમને વિનંતિ કરું છું એ મશાલ પકડે જેને કોંગ્રેસે છોડી દીધી છે.

અય્યરે કોંગ્રેસ મહાસચિવ કે.સી. વેણુગોપાલની તુલના સરદાર પટેલ સાથે થતાં નારાજગી વ્યક્ત કરી. તેને રાઉડી કહી દીધા. તેમણે વિપક્ષી ગઠબંધન ઇન્ડિયા માટે તમિલનાડુના મુખ્યમંત્રી એમ.કે. સ્ટાલિનને સૌથી મહત્ત્વનો ચહેરો ગણાવ્યા. કોંગ્રેસે સત્તાવાર રીતે આ નિવેદનને તેમના વ્યક્તિગત મત ગણાવી ખુદને અલગ કરી લીધું છે.