હીરા ઉદ્યોગને મળશે નવી જિંદગી, અમેરિકા સાથે કરાર અને ટેરિફ ઘટાડાથી ડાયમંડ ધંધામાં આવશે મોટી તેજી

ભારત સરકાર દ્વારા અમેરિકાની સાથે એગ્રીમેન્ટ કરી માત્ર 18 ટકા ટેરિફ સાથે ભારત અમેરિકા વ્યાપાર કરી શકશે, તેવું એગ્રીમેન્ટ કરતા સૌથી વધુ ફાયદો હીરા ઉદ્યોગને થાય તેવી આશા વ્યક્ત કરવામાં આવી હતી. અમેરિકામાં હીરાનું વેચાણ વધશે અને ભારતનો હીરા ઉદ્યોગ સ્થિર થશે, તેવી આશા ડાયમંડ એસોસિએશનના પ્રમુખ દ્વારા કરવામાં આવી છે. આ સિવાય સરકાર દ્વારા જીએસટીના સ્લેબના ઘટવાને કારણે 28% ના 18% સ્લેબ કરવામાં આવ્યો છે. તેમજ 12% નો પાંચ ટકા સ્લેબ કરવામાં આવતા તમામ જીવન જરૂરી ચીજ વસ્તુઓ તેમજ સૌંદર્ય પ્રસાધનની ચીજ વસ્તુઓ, ઇલેક્ટ્રોનિકની ચીજ વસ્તુઓના ખરીદ વેચાણમાં વેપારીઓને ખૂબ મોટો ફાયદો થશે તેવી આશા વ્યક્ત કરવામાં આવી હતી.

આ અંગે બોટાદ ડાયમંડ એસોસિએશનના પ્રમુખ શંકરભાઈ ધોળુંએ જણાવ્યું કે, ભારત સરકાર દ્વારા નિર્ણય લેવામાં આવ્યો અમેરિકા સાથે આ ઉપરાંત અમેરિકાએ જે ડાયમંડ રિયલ અમેરિકામાં વ્યાપાર કરવા માટે જતા હોય તેના ઉપર જે ટેરિફ હતો તે શૂન્ય કરવામાં આવ્યો છે. જેથી અમને એવી આશા છે કે હવે આગામી દિવસોમાં હીરા ઉદ્યોગ ફરી ધમધમશે અને તેમાં તેજી આવશે. અનેક ઉદ્યોગોમાં પણ હવે તેજી આવશે તેવું લાગી રહ્યું છે ખાસ કરીને અનેક પરિવારો જે હીરાના વ્યવસાય પર નિર્ભર હોય છે તો આ વ્યવસાયમાં પણ હવે આગામી દિવસોમાં ધીરે ધીરે તેજી આવશે તેવું અમને લાગી રહ્યું છે.