રોડ પર આતંક મચાવનાર બાઈકર્સ ગેંગને પોલીસે પાઠ ભણાવ્યો. દ્વારકામાં જોખમી સ્ટંટ કરનારા બાઈકર્સ સામે પોલીસે લાલ આંખ કરી. હાઈવે પર સ્ટંટબાજીનો વીડિયો સોશિયલ મીડિયામાં વાયરલ થતાં જ પોલીસ એક્શનમાં આવી અને તાત્કાલિક કાર્યવાહી કરી. પોલીસે ખાસ ડ્રાઈવ ચલાવી સ્ટંટબાજોને કાયદાનો પાઠ ભણાવ્યો. આ ડ્રાઈવ દરમિયાન વાહનચાલકોના દસ્તાવેજોની ચકાસણી કરવામાં આવી. દસ્તાવેજો રજૂ ન કરનાર અને ટ્રાફિક નિયમોનું ઉલ્લંઘન કરનાર ચાલકો સામે પોલીસે પગલા લીધા. પોલીસે કુલ 15 જેટલા વાહનો ડિટેઈન કર્યા હતા, કાર, રિક્ષા, બાઈક અને સ્કૂટર સહિતના વાહનોને ડિટેઈન કરવામાં આવ્યા. આ સાથે પોલીસે બેફામ બનેલા વાહન ચાલકોને કડક સંદેશો આપ્યો કે કાયદાથી ઉપર જશો તો પોલીસ કોઈને નહીં બક્ષે.
Source link
