રાજપાલ યાદવ બાદ હવે અમીષા પટેલની મુશ્કેલીમાં વધારો, કોર્ટે જાહેર કર્યું બિન-જામીનપાત્ર વોરંટ; જાણો શું છે સમગ્ર મામલો

મુરાદાબાદની એક અદાલતે ‘ગદર’ ફેમ અમીષા પટેલના વારંવાર સમન્સ મોકલવા છતાં હાજર ન થવા પર તેમની સામે બિન-જામીનપાત્ર વોરંટ જારી કર્યું છે. કોર્ટના હાલનાં આદેશ મુજબ, અમીષાને જાતે કોર્ટમાં હાજર રહેવાનો નિર્દેશ આપવામાં આવ્યો છે. જો તે આમ નહીં કરે, તો તેમની ઉપસ્થિતિ સુનિશ્ચિત કરવા માટે પોલીસ કાર્યવાહી થઈ શકે છે.

ફરિયાદીનું કહેવું છે કે, બાદમાં જ્યારે તેમણે અભિનેત્રી પાસે પૈસા પાછા માંગ્યા, ત્યારે લાંબા સમય સુધી વાયદાઓ આપ્યા હતા. ફરિયાદીએ દાવો કર્યો છે કે, કેટલાક પૈસા પાછા આપી દેવામાં આવ્યા છે, જ્યારે બાકીની રકમના ચેક બાઉન્સ થઈ ગયા હતા. આ મામલો ઘણા વર્ષોથી ચાલી રહ્યો છે. અદાલતે અમીષા પટેલને ઘણી વખત જાતે કોર્ટમાં આવવા માટે કહ્યું હતું, પરંતુ તેઓ દરેક વખતે ગેરહાજર રહ્યા હતા. ક્યારેક તેમની તરફથી શૂટિંગનું કારણ બતાવવામાં આવ્યું, તો ક્યારેક તેમના વકીલ પણ સુનાવણીના દિવસે કોર્ટમાં પહોંચ્યા નહોતા. વારંવાર ગેરહાજર રહેવા પર અદાલતે હવે કડક વલણ અપનાવતા સ્પષ્ટ કહ્યું છે કે, ભવિષ્યમાં આવી બેદરકારી સહન કરવામાં આવશે નહીં.