Final Up to date:
અમદાવાદમાં રમાઈ રહેલી ટી20 વર્લ્ડ કપ ફાઈનલમાં અભિષેક શર્માએ ન્યૂઝીલેન્ડના બોલરોના ધજાગરા ઉડાવી દીધા છે.
અમદાવાદ: અભિષેક શર્માએ ન્યૂઝીલેન્ડ વિરુદ્ધ ટી20 વર્લ્ડ કપ ફાઈનલમાં ભારતને શાનદાર શરૂઆત અપાવી છે. ડાબેરી બેટ્સમેને 18 બોલમાં પોતાની હાફ સેન્ચુરી પૂરી કરી હતી. તેણે સંજૂ સેમસન સાથે મળીને શરૂઆતી 6 ઓવરમાં 92 રન બનાવ્યા હતા. અભિષેક શર્મા માટે આ વર્લ્ડ કપ એક ખરાબ સપના જેવો સાબિત થઈ રહ્યો હતો, જોકે ફાઈનલ મેચમાં તેણે ધમાકો કરી દીધો. સ્ટાર બેટ્સમેન અભિષેક શર્માએ લોકી ફર્ગ્યુસન અને મેટ હેનરીના બોલ પર ખૂબ ચોગ્ગા અને છગ્ગા ફટકાર્યા. તેણે ચોગ્ગો ફટકારી પોતાની અડધી સદી પૂરી કરી હતી. અભિષેકના બેટથી અડધી સદી નીકળતી જોઈ હેડ કોચ ગૌતમ ગંભીરે ઊભા થઈને તાળીઓ પાડી તેના વખાણ કર્યા હતા.
અમદાવાદમાં રમાઈ રહેલી ટી20 વર્લ્ડ કપ ફાઈનલમાં અભિષેક શર્માએ ન્યૂઝીલેન્ડના બોલરોના ધજાગરા ઉડાવી દીધા છે. આખી ટૂર્નામેન્ટમાં ખરાબ ફોર્મથી ઝઝૂમી રહેલા અભિષેક સૌથી મોટા મંચ પર ટીકાકારોના મોં બંધ કરતા ખાલી 18 બોલમાં અડધી સદી ફટકારી હતી. જેકબ ડફીની એક જ ઓવરમાં 20 રન લઈને અભિષેકે ભારતને 6 ઓવરમાં 92 રનના સ્કોર સુધી પહોંચાડી દીધા હતા. તેની આ તોફાની ઈનિંગ્સના દમ પર ભારતે વર્લ્ડ કપ નોકઆઉટ ઈતિહાસનો સૌથી ઝડપી ફિફ્ટી પણ બનાવી લીધી. ડફીના બોલ પર છગ્ગા-ચોગ્ગાનો વરસાદ જોતા આખું સ્ટેડિયમ અને ટીમ ઇન્ડિયા ડગઆઉટ ઝૂમી ઊઠ્યું હતું.
અમદાવાદની ફાઈનલમાં અભિષેક શર્માએ 52 રનની તોફાની ઈનિંગ્સનો અંત રચિન રવીન્દ્રએ કર્યો હતો. નસીબજોગે મળેલી આ વિકેટે ન્યૂઝીલેન્ડને થોડી રાહત આપી હતી. પણ ક્રીઝ પર આવતા જ ઈશાન કિશને તેના ઇરાદા પર પાણી ફેરવી દીધું. અભિષેક આઉટ થયા બાદ ઈશાને 12 રન લઈને ભારતનો સ્કોર 110 રન પર પહોંચાડી દીધો હતો. રવીન્દ્રની ઓવરના છેલ્લા બે બોલ પર સતત બે ચોગ્ગા ફટકારી ઈશાને સ્પષ્ટ કરી દીધું કે ન્યૂઝીલેન્ડને હજુ ઘણી માર પડવાની છે.
