દાંતા: જૂની અદાવતમાં ખેલાયો ખૂની ખેલ, પિતાનું થયું મોત અને બે દીકરાઓને ગંભીર ઇજા

આ ઘટનામાં પિતા ભીમાભાઈએ ઘટનાસ્થળે જ જીવ ગુમાવ્યો અને તેમના બે દીકરાઓને ગંભીર ઈજાઓ પહોંચી, જેને કારણે તેમને તાત્કાલિક સામૂહિક આરોગ્ય કેન્દ્રમાં દાખલ કરવામાં આવ્યા. આ ઘટના અંગે દાંતા પોલીસ સ્ટેશનમાં ફરિયાદ નોંધાઈ છે, અને dysp ની રાહબારી હેઠળ lcb અને sog પોલીસ તપાસ કરી રહી છે. બે આરોપીઓને ધરપકડ કરીને જેલ ભેગા કરવામાં આવ્યા છે, જ્યારે ચાર આરોપીઓ હજી ફરાર છે.

ભોગ બનનારા પરિવારના સભ્યોએ જણાવ્યું કે, દોઢ વર્ષ પહેલા થયેલા ભાઈના મોતના પ્રકરણમાં તેઓ નિર્દોષ છે, છતાં આરોપીઓએ અદાવત રાખી આ ખૂની ખેલ ખેલ્યો છે. આ હુમલો કુટુંબની જૂની અદાવતને કારણે થયો છે, અને પરિવાર હાલ આ ઘટનાથી ખૂબ જ આઘાતગ્રસ્ત છે.

દાંતા ડિવિઝનના dysp વી બી બારડે જણાવ્યું કે, સમગ્ર ઘટનાની મોનિટરિંગ કરવામાં આવી રહી છે અને ઝડપાયેલા આરોપીઓ વિરુદ્ધ કાયદેસરની કાર્યવાહી હાથ ધરવામાં આવી રહી છે. દાંતા પીઆઇ આ મામલે આગળની વધુ તપાસ કરી રહ્યા છે અને બાકીના આરોપીઓને ઝડપવા માટે સઘન શોધખોળ ચાલી રહી છે.