Final Up to date:
ઈરાન જંગની વચ્ચે 8 માર્ચ 2026ના રોજ સત્તાવાર રીતે કમાન સંભાળનારા મોજતબા ખામેનેઈ છેલ્લા કેટલાય દિવસથી સાર્વજનિક મંચથી ગાયબ છે.
નવી દિલ્હી: મધ્ય પૂર્વમાં ચાલી રહેલા ભીષણ યુદ્ધની વચ્ચે ઈરાનના નવા સુપ્રીમ લીડર મોજતબા ખામેનેઈની સ્થિતિને લઈને દુનિયાભરમાં અસમંજસની સ્થિતિ બનેલી છે. અમેરિકી રાષ્ટ્રપતિ ડોનાલ્ડ ટ્રમ્પે સોમવારે મોજતબા ગંભીર રીતે ઘાયલ થવા અથવા ઠાર થવા તરફ ઈશારો કર્યો છે. ટ્રમ્પે કહ્યું કે કોઈ પણ એવો શખ્સ નથી જે આ બોલી રહ્યો છે કે મોજતબા સંપૂર્ણપણે સ્વસ્થ્ય છે. વળી ટ્રમ્પે એવો પણ દાવો કર્યો કે, ઓપરેશન એપિક ફ્યૂરી અંતર્ગત અમેરિકી સેનાએ સ્ટ્રેટ ઓફ હોર્મુઝમાં ઈરાની નૌસેનાનું નામોનિશાન મિટાવી દીધું છે. તેમના 30 જહાજ પાણીમાં ડૂબાડી દીધા છે.
ઈરાન જંગની વચ્ચે 8 માર્ચ 2026ના રોજ સત્તાવાર રીતે કમાન સંભાળનારા મોજતબા ખામેનેઈ છેલ્લા કેટલાય દિવસથી સાર્વજનિક મંચથી ગાયબ છે. રાષ્ટ્રપતિ ટ્રમ્પે તેમના સ્વાસ્થ્ય પર ટિપ્પણી કરતા કહ્યું કે, ઘણા લોકો કહી રહ્યા છે કે તેઓ ખરાબ રીતે વિકૃત થઈ ચુક્યા છે અને તેમણે પોતાના પગ ખોઈ દીધા છે. અમુક લોકો તો તેમના મરવાની વાતો પણ કહી રહ્યા છે. હકીકત એ છે કે કોઈ પણ તેમને 100 ટકા સ્વસ્થ નથી ગણાવી રહ્યા અને મોજતબાએ પદ સંભાળ્યા બાદથી અત્યાર સુધી એક પણ શબ્દો નથી બોલ્યા.
ટ્રમ્પના આ નિવેદને આ દાવાને હવા આપી છે કે છેલ્લા કેટલાક દિવસથી તેહરાનમાં થયેલા અમેરિકી હુમલામાં મોજતબાને ભારે નુકસાન થયું છે.
રણનીતિક મોર્ચા પર ટ્રમ્પે ઘોષણા કરી છે કે અમેરિકી નૌસેનાએ સ્ટ્રેટ ઓફ હોર્મુઝમાં ઈરાનની બેકબોન તોડી નાખી છે. ટ્રમ્પના જણાવ્યા અનુસાર, 30+ જહાજ નષ્ટ: દરિયામાં બારુદી સુરંગ પાથરનારા ઈરાને 30થી વધારે વિશેષ જહાજોને ડૂબાડી દીધા છે.
100 નૌસૈનિક જહાજ સ્વાહ: અમેરિકી હુમલા બાદ ઈરાનની બેલિસ્ટિક મિસાઈલ લોન્ચિંગમાં 90 ટકા અને ડ્રોન હુમલામાં 95 ટકાનો ઐતિહાસિક ઘટાડો આવ્યો છે.
ટ્રમ્પે સ્પષ્ટ કરી દીધું કે અમેરિકી સેનાએ અત્યાર સુધી ઈરાનના 7000થી વધારે સૈન્ય ઠેકાણા પર અચૂક પ્રહાર કર્યા છે, જેનાથી ઈરાનની યુદ્ધ લડવાની ક્ષમતા લગભગ પાંગળી થઈ ચુકી છે.
સોમવારે કેનેડી સેન્ટરના બોર્ડ સભ્યો સાથે મહત્વપૂર્ણ બેઠક પહેલા ટ્રમ્પે પત્રકારોને સંબોધિત કરતા આ સૈન્ય સફળતાની વિગતવાર માહિતી આપી. ટ્રમ્પે પોતાના ઓળખીતા આક્રમક અંદાજમાં કહ્યું, “અમે સ્ટ્રેટ ઓફ હોર્મુઝમાં વેપારી જહાજોને ધમકાવવાની ઈરાનની ક્ષમતા પર સતત કડક પ્રહાર કરી રહ્યા છીએ. આ અભિયાન હેઠળ 30થી વધુ માઇન-લેઇંગ જહાજોને નષ્ટ કરી દેવામાં આવ્યા છે.”
માઇન-લેઇંગ જહાજો એ ખાસ પ્રકારના સૈન્ય જહાજો હોય છે, જેનો ઉપયોગ દરિયામાં ખતરનાક બોમ્બ (માઇન) મૂકવા માટે થાય છે. આ માઇન્સનો ઉદ્દેશ્ય એ માર્ગ પરથી પસાર થતા દુશ્મન દેશોના યુદ્ધજહાજો કે સામાન્ય વેપારી જહાજોને નિશાન બનાવવાનો હોય છે. રાષ્ટ્રપતિ ટ્રમ્પે પૂરી ખાતરી સાથે કહ્યું, “અમારી શ્રેષ્ઠ માહિતી અનુસાર, અમે તેમના બધા માઇન-લેઇંગ જહાજોને તોડી પાડ્યા છે. જોકે હવે તેઓ આ બોમ્બ મૂકવા માટે બીજા પ્રકારના જહાજોનો ઉપયોગ કરવાનો પ્રયાસ કરી શકે છે.”
Mar 16, 2026 11:33 PM IST
