Final Up to date:
શ્રીલંકાની ટીમને ગ્રુપ સ્ટેજમાં ત્રણમાંથી આ બીજી મોટી હાર મળી છે. આ અગાઉ કંગારુ ટીમને ઝિમ્બાબ્વેએ હરાવી હતી.
નવી દિલ્હી: પાથુમ નિસંકાની તોફાની સદીથી શ્રીલંકાએ ઓસ્ટ્રેલિયાને 8 વિકેટથી હરાવી દીધું. આ હાર સાથે જ ઓસ્ટ્રેલિયાની ટીમ આઈસીસી ટી20 વર્લ્ડ કપ 2026માં એલિમિનેટ થવાની અણીને આવીને ઊભું છે. તો વળી ગ્રુપ બીમાંથી શ્રીલંકાએ સુપર-8માં પહોંચનારી પ્રથમ ટીમ બની છે. આવી રીતે શ્રીલંકાએ ઓસ્ટ્રેલિયાને સુપર-8માંથી બહાર કરી ટૂર્નામેન્ટનો સૌથી મોટો ઉલટફેર કર્યો છે. શ્રીલંકાની ટીમને ગ્રુપ સ્ટેજમાં ત્રણમાંથી આ બીજી મોટી હાર મળી છે. આ અગાઉ કંગારુ ટીમને ઝિમ્બાબ્વેએ હરાવી હતી.
પલ્લેકેલેમાં રમાયેલી આ મેચમાં ટોસ હાર્યા બાદ ઓસ્ટ્રેલિયાની ટીમે પહેલા બેટીંગ કરતા નિર્ધારિત 20 ઓવરમાં 181 રનનો સ્કોર બનાવ્યો હતો. તેના જવાબમાં નિસંકાની તોફાની બેટીંગથી શ્રીલંકાએ 18 ઓવરમાં જ ટાર્ગેટ પ્રાપ્ત કરી લીધો હતો. શ્રીલંકા માટે પાથુમ નિસંકાએ 52 બોલમાં 100 રન બનાવી નોટઆઉટ રહ્યો હતો. પોતાની આ ઈનિંગ્સમાં નિસંકાએ 10 ચોગ્ગા અને 5 છગ્ગા ફટકાર્યા હતા.
ઓસ્ટ્રેલિયા વિરુદ્ધ ધુંઆધાર ઈનિંગ્સ સાથે જ પાથુમ નિસંકા ટૂર્નામેન્ટમાં હાઈએસ્ટ રન સ્કોરર બની ગયા છે. નિસંકાએ ગ્રુપ સ્ટેજની ત્રણ મેચમાં 137 રન થઈ ગયા છે. જેમાં એક સદી પણ સામેલ છે. ઓસ્ટ્રેલિયા વિરુદ્ધ મેચ પહેલા નિસંકાએ આયરલેન્ડ વિરુદ્ધ 24 અને ઓમાન વિરુદ્ધ 13 રન બનાવ્યા હતા. ખાલી આટલું જ નહીં, નિસંકા શ્રીલંકા માટે મહેલા જયવર્ધને બાદ ખાલી બીજો એવો બેટ્સમેન છે, જેણે ટી20 વિશ્વ કપમાં સદી ફટકારી છે.
પાથુમ નિસંકા ઉપરાંત ઓસ્ટ્રેલિયા વિરુદ્ધ મેચમાં કુસલ મેન્ડિસે પણ શાનદાર બેટીંગ કરી. કુશલ મેન્ડિસે 38 બોલમાં 51 રનની ઈનિંગ્સ રમી. પોતાની આ ઈનિંગ્સમાં તેણે 6 ચોગ્ગા અને 1 છગ્ગો પણ લગાવ્યો. આ ઉપરાંત પવન રત્નનાયકે 15 બોલમાં 28 રન બનાવ્યા. જેનાથી શ્રીલંકાની ટીમ આસાનીથી ટાર્ગેટ પ્રાપ્ત કરી શકી.
Feb 16, 2026 10:45 PM IST
