‘અસ્સી’ નું ટ્રેલર જોઇને સુનીલ શેટ્ટીએ કર્યાં વખાણ, કહ્યું – ‘દિલને ગમી જાય તેવી નીડર કહાની છે’

એક્ટરની પોસ્ટ જોઈને યુઝર્સ ફૂલ ટૂ સપોર્ટ કરી રહ્યાં છે. યુઝર્સનું કહેવું છે કે આ એક એવી ફિલ્મ હોઈ શકે છે જે તમારી ધ્રુજારી છોડાવી દે. આટલું જ નહીં સમાજનાં વિચારોને પણ અપગ્રેડ કરે છે. ડાયરેક્ટરે એ પણ જણાવ્યું કે ફિલ્મનું નામ અસ્સી કેમ રાખવામાં આવ્યું છે.

ફિલ્મનું નામ ‘અસ્સી’ કેમ રાખવામાં આવ્યું?

ફિલ્મનાં ડાયરેક્ટર અનુભવ સિન્હા કહે છે કે આ ફિલ્મ દેશનાં એ મહિલાઓની કહાની છે જેની સાથે યૌન શોષણ થયું છે. આપણાં દેશમાં દરરોજ 80 મહિલાઓ યૌન શોષણનો શિકાર બને છે. આ રિપોર્ટ્સ કહે છે. ઘટનાની ખબર ક્યારેક ન્યૂઝ પેપરનાં પહેલાં પેજ પર તો ક્યારેક આઠમા પેજ છાપેલી હોય છે. લોકો વાંચે છે, દુખ વ્યક્ત કરે છે અને અંતે ભૂલી જાય છે, પરંતુ મને ખરેખર એ જાણવું છે કે ત્યારબાદ એ મહિલા અને છોકરી સાથે શું થયું. એ કેવી રીતે જીવન જીવી રહી છે અને આવી હરકત કરવા પર લોકોનું રિએક્શન શું હોય છે. આ આંકડાઓને ધ્યાનમાં રાખતા ફિલ્મનું નામ અસ્સી રાખવામાં આવ્યું છે.

આ દિવસે રિલીઝ થશે ફિલ્મ

ઉલ્લેખનીય છે કે, તાપસી પન્નુની ફિલ્મ ‘અસ્સી’ 20 ફેબ્રુઆરીનાં રોજ સિનેમાઘરોમાં રિલીઝ થશે. ફિલ્મમાં પિંક અને આર્ટિકલ 15 જેવા કોર્ટરૂમ ડ્રામાની ઝલક દર્શકોને જોવા મળશે. આ ફિલ્મમાં મોહમ્મદ જીશાન અય્યૂબ, મનોજ પાહવા, નસીરુદ્દીન શાહ, રેવતી અને સુપ્રિયા પાઠક જેવા દિગ્ગજ સિતારાઓ મહત્વની ભૂમિકામાં જોવા મળશે.