ઇરાનના તેલ ડેપો પર હુમલાથી અમેરિકા ભડક્યું, ઇઝરાયેલને મોકલ્યો મેસેજ

Israel-Iran Conflict Information :  ઇઝરાયેલે ગયા અઠવાડિયે ઇરાનના ઓઇલ ડેપો પર હુમલો કર્યો હતો. જેના કારણે ભીષણ આગ લાગી હતી અને ચાર લોકોના મોત થયા હતા. એક્સિઓસના રિપોર્ટ અનુસાર આ હુમલાથી ઇઝરાયેલ અને તેના સહયોગી અમેરિકા વચ્ચે મતભેદ ઉભા થયા છે. એક્સિઓસે અહેવાલ આપ્યો હતો કે તેલ અવીવે વોશિંગ્ટનને હુમલાની જાણ કરી હતી. ઇઝરાયેલે દાવો કર્યો હતો કે આ સુવિધાઓનો ઉપયોગ મિસાઇલ લોન્ચ માટે ફ્યૂલ તરીકે કરવામાં આવી રહ્યો છે. પરંતુ આ હુમલાઓ અમેરિકાની અપેક્ષા કરતા વધુ વ્યાપક હતા.

મીડિયા રિપોર્ટમાં એક અમેરિકી અધિકારીના હવાલાથી કહેવામાં આવ્યું કે કહ્યું કે અમેરિકાની સેના હુમલાની વ્યાપકતાથી પરેશાન હતી. અમને નથી લાગતું કે આ સારો એક વિચાર હતો. ઇઝરાયેલના એક અધિકારીએ જણાવ્યું હતું કે વોશિંગ્ટનથી આવેલો મેસેજ સંદેશ ‘WTF’ જેવો હતો. અત્યાર સુધી વ્હાઇટ હાઉસ અથવા આઇડીએફએ આ અંગે કોઈ ટિપ્પણી કરી નથી.

ઇઝરાયેલી સેનાએ ઇરાનની રાજધાની તેહરાન અને તેની આસપાસના ત્રણ તેલ ડેપો અને એક રિફાઇનરી પર હુમલો કર્યો હતો. જેના કારણે શહેરમાં વિનાશ જેવા દ્રશ્યો સર્જાયા હતા. તસવીરોમાં અસરગ્રસ્ત વિસ્તારોમાં ભયંકર આગ જોવા મળતી હતી.

ઓઇલ લીકને કારણે લાગેલી આગ

ડેપોમાંથી ઓઈલ લીકેજને કારણે આગ લાગી હતી. સ્થાનિકોએ જણાવ્યું હતું કે રસ્તા પર આગની જ્વાળાઓ દોડી રહી હતી. ઇઝરાયલના હુમલાઓથી માનવ અને પર્યાવરણીય નુકસાન માત્ર એક પાસું છે. આની બીજી બાજુ આર્થિક છે. ઇઝરાયેલના હુમલાના એક દિવસ પછી તેલના ભાવમાં તીવ્ર ઉછાળો આવ્યો હતો અને લગભગ ચાર વર્ષમાં પ્રથમ વખત બેરલ દીઠ 100 યુએસ ડોલરની મર્યાદાને પાર કરી ગઈ હતી.

સોમવારે શિકાગો મર્કન્ટાઇલ એક્સચેન્જ પર ટ્રેડિંગ ફરી શરૂ થયા પછી ઇન્ટરનેશનલ સ્ટાન્ડર્ડ બ્રેન્ટ ક્રૂડ 107.97 યુએસ ડોલર પ્રતિ બેરલ પર હતું, જે શુક્રવારે 92.69 યુએસ ડોલરના બંધ ભાવથી 16.5 ટકા વધારે હતું. ઇઝરાયલના હુમલા વિશે અમેરિકાની ચિંતા સંભવિત વ્યૂહાત્મક ક્ષતિથી ઉદભવે છે.

આ પણ વાંચો – અમેરિકાને મોટો ફટકો, ઇરાને 2500 કરોડ રૂપિયાની THAAD રડાર સિસ્ટમને નષ્ટ કરી

તેલ અને તેલ ડેપો પરના હુમલાઓ ઇરાની નાગરિકોને યુએસ અને ઇઝરાયેલ સામે એક થવા માટે પ્રેરણા આપી શકે છે. વધુ મહત્ત્વની વાત એ છે કે તેનાથી તેલના ભાવમાં વધુ વધારો થઈ શકે છે. ટ્રમ્પના એક સલાહકારે એક્સિઓસને જણાવ્યું હતું કે રાષ્ટ્રપતિને આ હુમલા પસંદ નથી. તે તેલ બચાવવા માંગે છે. તે તે બાળવા માંગતા નથી અને તે લોકોને પેટ્રોલના વધતા ભાવની યાદ અપાવે છે. 

ઈરાને ચેતવણી આપી

ઈરાને ચેતવણી આપી છે કે જો તેલ ઈન્ફ્રાસ્ટ્રક્ચર પર વધુ હુમલા થશે તો ઈરાન પણ આવી જ પ્રતિક્રિયા આપશે. ઈરાનના સૈન્યના પ્રવક્તાએ કહ્યું કે તેહરાને હજી સુધી આવા હુમલા કર્યા નથી, પરંતુ પરિસ્થિતિ બદલાઈ શકે છે અને તેલના ભાવ 200 ડોલર પ્રતિ બેરલ સુધી પહોંચી શકે છે.