Final Up to date:
વાયરલ વીડિયોમાં જાપાનના આર્થિક સુરક્ષા મંત્રી કિમી ઓનોડા દેખાયા હતા. કહેવાય છે કે શુક્રવારે સવારે તેઓ કેબિનેટ બેઠક માટે જઈ રહ્યા હતા. રસ્તામાં અચાનક રોડ દુર્ઘટનાના કારણે ટ્રાફિક જામ થઈ ગયો અને તેઓ સમયસર બેઠકમાં પહોંચી શક્યા નહીં.
જાપાનના લોકોમાં સમયની ઘણી કિંમત છે. અહીં જો કોઈ થોડું પણ મોડું થઈ જાય તો તેને ખરાબ આદત માનવામાં આવે છે. આ જ કારણથી જાપાનની એક મંત્રીનો વીડિયો સોશિયલ મીડિયા પર ઝડપથી વાયરલ થઈ રહ્યો છે. કારણ છે બેઠકમાં ખાલી પાંચ મિનિટ મોડા પડવા અને તેના માટે દેશ પાસે માફી પણ માગવી.
વાયરલ વીડિયોમાં જાપાનના આર્થિક સુરક્ષા મંત્રી કિમી ઓનોડા દેખાયા હતા. કહેવાય છે કે શુક્રવારે સવારે તેઓ કેબિનેટ બેઠક માટે જઈ રહ્યા હતા. રસ્તામાં અચાનક રોડ દુર્ઘટનાના કારણે ટ્રાફિક જામ થઈ ગયો અને તેઓ સમયસર બેઠકમાં પહોંચી શક્યા નહીં.
જેવું તેઓ બેઠક સ્થળ નજીક પહોંચ્યા, ટેક્સીમાંથી ઉતરતા જ ઝડપથી દોડી બિલ્ડિંગની અંદર ગયા. હાથમાં બેગ લઈ 43 વર્ષના મંત્રી ઝડપથી સીડીઓ ઉતરતા બેઠક રૂમની અંદર જતાં દેખાયા. તેમની સાથે એક સહાયક પણ દોડતા દેખાય છે.
જ્યારે મંત્રી દોડતા-દોડતા બેઠક રૂમમાં પહોંચ્યા, ત્યાં સુધીમાં કેમેરા એ જગ્યા પર પહોંચી ચૂક્યો હતો, જ્યાં જાપાનના પ્રધાનમંત્રી સાને તાકાઈચી બેઠકમાં આવી પહોંચ્યા હતા. કેમેરાની હાજરીમાં તમામ મંત્રી ઊભા થઈ તેમનું સ્વાગત કરતા દેખાયા. થોડી વાર બાદ કેમેરો રૂમમાં ફરે છે, અને જ્યાં કિમી ઓનોડાની સીટ હતી ત્યાં ગયો, જ્યાં આ સીટ ખાલી હતી. આ વીડિયો હવે સોશિયલ મીડિયા પર વાયરલ થઈ રહ્યો છે.
A Japanese minister arrives late to a gathering with the Prime Minister and holds a press convention to apologize to the nation. This degree of accountability is a robust lesson in management 👏
— Tansu Yegen (@TansuYegen) March 7, 2026
ડેઈલી મેલના રિપોર્ટ અનુસાર, બેઠક બાદ મંત્રી કિમી ઓનોડાએ આખા દેશ પાસે માફી માગી. તેમણે કહ્યું કે, રસ્તામાં અચાનક થયેલી દુર્ઘટનાના કારણે ટ્રાફિક જામ થયો અને તેથી તેઓ સમયસર પહોંચી શક્યા નહીં. તેમણે કહ્યું કે, ભવિષ્યમાં આવું ન થાય તેના માટે તેઓ પહેલાંથી વધારે સાવધાની રાખશે.
જો કે સોશિયલ મીડિયા પર ઘણા લોકોએ તેમના આ વ્યવહારના વખાણ કર્યા. લોકોનું કહેવું છે કે નેતાઓની આ પ્રકારે જવાબદારી લેવી ખૂબ જ દુર્લભ માનવામાં આવે છે. એક યુઝરે લખ્યું કે, મંત્રી મોટા ભાગે બેઠકમાં 15-20 મિનિટ પહેલાં પહોંચવાની આદત રાખે છે, જે તેમના જવાબદાર વર્તનને દર્શાવે છે. બીજા યુઝરે લખ્યું કે, અમુક લોકોને આ કંઈક વધારે લાગી રહ્યું છે. પણ આ જનતાના વિશ્વાસનો સવાલ છે. જ્યારે નેતાઓ સમયનું સન્માન કરે છે, તો આખો દેશ તેમાંથી શીખે છે.
જાપાનની સંસ્કૃતિમાં સમયની કિંમતને મહત્વ આપવામાં આવે છે. ત્યાં મોડું પહોંચવું હંમેશા બેજવાબદાર વ્યવહાર માનવામાં આવે છે. કદાચ આ જ કારણ છે કે પાંચ મિનિટ મોડું અને ત્યાર બાદ માફી માગવી, આ ઘટના દુનિયાભરમાં ચર્ચાનો વિષય બની છે.
