અમદાવાદમાં કાળઝાળ ગરમી વચ્ચે ટાઢક આપતો નિર્ણય, ટ્રાફિક સિગ્નલ પાસે થશે વૃક્ષારોપણ

હીટવેવથી નાગરિકોને બચાવવા માટે કમિશનરે હેલ્થ ખાતાને ક્રેડાઈ સાથે મળી તમામ કન્સ્ટ્રક્શન સાઇટ, કડિયાનાકા, જંકશન, બસ સ્ટેશનો વગેરે જગ્યાએ પીવાના પાણી તેમજ ઓઆરએસનાં પેકેટ પહોંચાડવાની સૂચના આપી છે. તેમજ કડિયાનાકા ખાતે ઊભા રહેતાં મજૂરો તેમજ સફાઇ કામદારોને ક્રેડાઈ પાસેથી મ્યુનિ.નાં લોગોવાળી કેપ તૈયાર કરી વિતરણ કરવાની સૂચના આપવામાં આવી છે. હીટવેવની સમગ્ર શહેરમાં અસર થતી નથી તે બાબતને ધ્યાને લઈ કમિશનરે દરેક ઝોનમાં હીટવેવનાં હોટસ્પોટ લોકેશનની યાદી તૈયાર કરી મોકલવા તેમજ હીટવેવનાં એટલે કે લૂ લાગવા સહિતનાં કેસ ક્યાં વધુ નોંધાયા તે જગ્યાઓએ ગરમીનું પ્રમાણ ઘટે તેવા પગલાં લેવા સૂચના આપી છે.

હવામાન વિભાગે આપેલી માહિતી પ્રમાણે, 18 માર્ચના બુધવારના રોજ કચ્છ, દ્વારકા, મોરબી, જામનગર, બનાસકાંઠા, સાબરકાંઠા અને પાટણ જિલ્લામાં હળવો વરસાદ થવાની સંભાવના છે. જ્યારે 19 માર્ચે કચ્છ, મોરબી, રાજકોટ, સુરેન્દ્રનગર, બોટાદ, અમરેલી, ભાવનગર, ગીર સોમનાથ, બનાસકાંઠા, સાબરકાંઠા, પાટણ, વડોદરા, ભરૂચ, સુરત, તાપી, ડાંગ અને છોટાઉદેપુર જિલ્લામાં છૂટાછવાયા વરસાદની આગાહી કરવામાં આવી છે. 20 માર્ચે ગીર સોમનાથ, દાહોદ, અરવલ્લી અને મહીસાગર જિલ્લામાં હળવો વરસાદ પડવાની આગાહી છે. એટલે લગભગ રાજ્યના મોટા ભાગના જિલ્લામાં માવઠાની ઘાત છે.