રાજ કુંદ્રાને મોટી રાહત, બિટકોઇન કૌભાંડ મામલે મળ્યાં જામીન; કરોડોમાં હેરાફેરીનો આરોપ

કોર્ટે કરી કાર્યવાહી

બપોરના 3 વાગ્યે સુનાવણી દરમિયાન રાજ કુંદ્રા તરફથી જામીન અરજી દાખલ કરવામાં આવી હતી. રાજ કુંદ્રાના વકીલે કોર્ટમાં દલીલો કરી, જે સાંભળ્યા પછી અદાલતે જામીન આપ્યા છે. ઇડીનો આરોપ છે કે આ કૌભાંડ દ્વારા ભારે રકમની હેરાફેરી કરવામાં આવી હતી જેમાં રાજ કુંદ્રાની તપાસ કરવામાં આવી રહી છે. જો કે હાલમાં જામીન મળવા પર રાજ કુંદ્રાને મોટી રાહત મળી છે.

બિટકોઇન સાથે જોડાયેલ મની લોન્ડ્રિંગ કેસમાં રાજ કુંદ્રાએ તેમનાં વકીલ પ્રશાંત પાટિલની સાથે કોર્ટમાં પેશ થયા અને જામીન અરજી દાખલ કરી. જજ આરબી રોટે જામીન મંજૂર કર્યા છે. તેમના વકીલે દલીલ કરી હતી કે રાજ કુન્દ્રા 2021 થી એન્ફોર્સમેન્ટ ડિરેક્ટોરેટની તપાસમાં સહયોગ કરી રહ્યા છે અને કેસને લગતા તમામ સંબંધિત દસ્તાવેજો પહેલેથી જ એજન્સીના કબજામાં છે, તેથી અટકાયતમાં લેવાની કોઈ જરૂર નથી. જો કે કોર્ટે ચાર્જશીટ પર ધ્યાન આપતાં નોંધ્યું હતું કે શરૂઆતનાં સબૂતો અને સાક્ષીઓના નિવેદનો સૂચવે છે કે રાજ કુંદ્રા અને દુબઈનાં ઉદ્યોગપતિ રાજેશ સતીજા આ કૌભાંડમાં સામેલ હતા.